పుట:ప్రభావతీప్రద్యుమ్నము (పింగళి సూరన).pdf/195

శా.⁠

అంతం గేశవుఁ డంచవేగరులచే నాదైత్యుసంగ్రామవృ త్తాంతంబు న్విని తార్క్ష్యవాహకుఁడు చక్రాద్యాయుధప్రోల్లస త్కాంతిక్రాంతదిగంతరుం డయి వడిన్ దా వచ్చె నచ్చోటికిన్ సంతోషంబున వజ్రి సత్వరగతి న్సంధించి సేవింపఁగాన్.

⁠ 212

వ.⁠

అప్పు డింద్రుండు ధనురాదిసకలహేతిసమేతంబును మా తలిసారథికంబును నైన తనదివ్యరథంబు ప్రద్యుమ్నునకు ననిపి గదసాంబులకు ననన్యదుర్జయంబు లైనదివ్యస్యంద నంబులఁ బనిచె దాన నపూర్వోత్సాహంబునం బొదలియు యదుకుమారులు ప్రతిభటుల మించంజాలక సత్వరంబునఁ బోరుచుండి రయ్యవసరంబునఁ గృష్ణుండు.

⁠ 213

క.⁠

సాహసము నాహతప్ర త్యాహతనైపుణము నొక్కయంతగ సుతుతో నాహవ మొనరించుమహో త్సాహనిధి న్వజ్రనాభదైత్యునిఁ జూచెన్.

⁠ 214

తే.⁠

చూచి యిట్లైన నెన్నండు సులభ మగును విజయ మని మరుచేతికి విష్ణుఁ డనిపెఁ దనదుచక్రము నతఁడును దత్ప్రయోగ మునను ఖండించె వజ్రనాభునిశిరంబు.

⁠ 215

క.⁠

గదసాంబులు తద్విజయా భ్యుదయముఁ గని పొంగి బహువిధోగ్రాస్త్రములన్ జిదురుపలుగ నొనరించిరి కదిసి సునాభాదిదనుజగణదేహంబుల్.

⁠ 216

వ.⁠

అప్పుడు.

⁠ 217