పుట:ప్రభావతీప్రద్యుమ్నము (పింగళి సూరన).pdf/186

⁠

మానిని తాను నోర్వఁ డతిమాత్రవియుక్తికి నిప్డ మాన్చునీ కానెఱజాణయోగ్యకరుణామృతవృష్టి నయోగఖేదమున్.

⁠ 164

వ.⁠

అనిన రాగవల్లరికిఁ బ్రభావతి యి ట్లనియె.

⁠ 165

సీ.⁠

అట్టియసత్యంపుటలుకలు కల్పించు             కొని వియోగవ్యథఁ గుందఁ జేసి కాంతలయారూపు గనుఁగొను వేడ్కలు             రాగుండెతోడి నిర్దయులయందు సంభవించునొ కాని సత్కృపారాశి మ             త్ప్రాణేశుఁ డేవినోదమున కైన ననుఁ జిన్నపుచ్చి కన్గొనఁజాలఁ డొకనిమే             షార్థమాత్రంబు నోయంబుజాక్షి

⁠

తే.⁠

నేఁటిరాత్రి తెఱంగు నానేరమున జ నించె నది యొక్కమాట కే నెమ్మనమున నలిగి తేఱన యే నెన్నిప్రార్థనముల దానిచే నెంత యెడసెనో ధవునిమనము.

⁠ 166

చ.⁠

అనవిని రాగవల్లరి సమంకురితస్మితకోమలావలో కనముల నాప్రభావతిని గన్గొనునట్ల తదీశ్వరుం గనుం గొని బళి గోపపుత్రరసికుండవు నీదగుధౌర్త్య మింతిపై ఘనమసమానవీనసుధ గాంచి చవుల్ గొనుగోర్కి కోర్కియే.

⁠ 167

క.⁠

నా విని యోసితుటారి ద యావారిధి నధిపుఁగూర్చి యనకు మొకటియున్ నావెఱ్ఱికినుక యింతకుఁ దావల మని చెప్ప వినవె తరుణీ యనియెన్.

⁠ 168