పుట:ప్రభావతీప్రద్యుమ్నము (పింగళి సూరన).pdf/182

⁠

నాయది చూడ నాదయినయల్కయమూలము కాకయున్న నా నాయకుఁ డట్లు ప్రార్థన మొనర్పఁగ నే వినకున్కి యొప్పునే.

⁠ 149

క.⁠

మగవాఁడుఁ దుమ్మెదయు సరి జగతి నదియుఁ గాక నాఁటిచాటూక్తులప్రే మ గురుత్వము నలపత్రిక యు గణింపఁగ నతనియందు నొదవునె తప్పుల్.

⁠ 150

వ.⁠

అని విరహవేదనం బొరలుచుండఁ బ్రభాతం బగుటయుఁ బ్రభావతి తనగృహదేవతయుం బోలెఁ బూజ లందుచు ననన్యవిదితగుప్తంబై యున్న యాపత్రికం బుచ్చుకొని శృంగారపుందోఁటలోనికిఁ జని యొక్క వివిక్తస్థలంబునం గూర్చుండి మున్ను రాగవల్లరి చదువఁగా మిగిలినపత్రికా భాగంబు తనచేత నటమున్ను బహువారపఠితం బయ్యు నవోత్కంఠఁ గలుగంజేయుచుండ నల్పస్వరంబునఁ దనలో ని ట్లని చదువం దొడంగె.

⁠ 151

ద్విరదగతి రగడ

⁠

ఓహంసి నీచేత నున్నయది నాబ్రదుకు నాహృదయ మింతిడెందము నేకముగ నదుకు కరుణ నిది పదివేలుకమ్మలుగఁ గైకొనుము పరఁగ సతితోడ నాపలుకుగా ని ట్లనుము విద్యున్నిభాంగిరో వినుము నీకృప గన్నఁ బ్రద్యుమ్నుఁ డనుపేరు ఫలిత మగు నా కెన్నఁ ద్రైలోక్యనిత్యసామ్రాజ్యవైభవ మైనఁ బోల దొకలేశమును బొలఁతి నీకృపలోన గరిమ నెల్లెడల నీకనుసన్నలో వత్తు

⁠