పుట:ప్రభావతీప్రద్యుమ్నము (పింగళి సూరన).pdf/167

⁠

ప్రత్యగ్రతిలకధారణ మొనర్పక నవీ             నముగఁ గాటుక లోచనముల నిడక తగునట్టిసొమ్ములు దాల్పక దినముఖ             నియమపుణ్యంబు లెవ్వియుఁ జలుపక

⁠

తే.⁠

నీవు తడయుట చోద్య మోనీరజాక్షి ఘనము గాఁబోలు శ్రమ మట్లు గాక రతుల చిన్నె లింపునఁ జూచుకొం చున్నదాన వేమొ విఘ్న మై వచ్చితి మెఱుఁగ కేము.

⁠ 66

వ.⁠

అని పరిహాసగర్భంబుగాఁ బలుకుచు లజ్జారోషభూషితంబు లయినయాయోషారత్నంబు చేతియదరువ్రేఁతలు తమకు నూతనోత్సవంబు లగుచుఁ గౌతుకం బొనరించుచుండఁ బ్రవరిల్లుచున్నంతఁ జంద్రవతీగుణవతు లటమున్ను నిజవల్లభ సమాగమంబునకు నుపాయంబు గానక శుచిముఖతోడి విచారంబు గోరుచు నుండుటంజేసి యమ్మరాళిఁ దమనిల యంబున కెలయించుకొనిపోవుటకు నుద్యోగించి బ్రభావతీ దర్శనమిషంబున.

⁠ 67

క.⁠

లలితప్రియసంభోగా కులవేషము చక్కదిద్దుకొన నెడ లేమిం గళవళపడుచుఁ బ్రభావతి యలుక నతర్క్యగతి వచ్చి రచటి కిరువురున్.

⁠ 68

సీ.⁠

ఈతెఱంగున వచ్చి యాతరుణీమణి             చందంబునకుఁ గొంత సందియంబు మదిలోనఁ గందళింపఁగఁ గ్రమంబున విమ             ర్శించి తదాకారచేష్టితముల

⁠