పుట:ప్రభావతీప్రద్యుమ్నము (పింగళి సూరన).pdf/161

⁠

వకలనఁ జిక్కుజీరుపడ వైచినచంపకనీలకంజమా లికల తెఱంగునం బరఁగ లేఁజెమట ల్నునుగాలి నాఱఁగన్.

⁠ 49

వ.⁠

అంత.

⁠ 50

క.⁠

అరుణాంశుపటలి యనువా సరరాజపురోధృతధ్వజంబుకొనన్ వి స్ఫురిత మగురత్నమో యన సురపతిదిశయందు వేగుఁజుక్క వెలింగెన్.

⁠ 51

చ.⁠

యదుకులచూళికాభరణ మంతట మేల్కని నిద్ర చొక్కునన్ వదలిన కౌఁగిలి న్మెలపునన్ బిగియించుచుఁ జెక్కు చెక్కిటన్ గదియఁగ నొత్తియొత్తి తనకాంతను మేల్కొలిపెన్ మృగాక్షియున్ నిదుర దొఱంగి చూచుచునె నేత్రము లెప్పటి మూసె సిగ్గునన్.

⁠ 52

సీ.⁠

అంతఁ గామిని కన్ను లరవిచ్చి సురతసం             క్షుభితవేషము పతి చూడకుండఁ దనదుచెక్కిలి మొగంబున కడ్డముగఁ జేర్చి             పొరిఁ బొరి నది దాన పులకితముగఁ గెంగేల నతనికౌఁగిలి యాఁగి యెడగొంచుఁ             జేలాంచలము పెఱచేతఁ దడవి తెచ్చి పాలిండ్లమీఁదికిఁ జొనుపుచు నితం             బావృత్తి యరపి రెండవ చెఱంగు

⁠

తే.⁠

కటితటం బెత్తి యెత్తి క్రిందటికిఁ బరపి లోనుగా దానిపైయంచుతో నమరఁగఁ బొక్కిలి గదించి పట్టి మూపున నరవిరి వదలుతురు మానుకొనుచు లేవంగఁ గడఁగె.

⁠ 53