పుట:ప్రభావతీప్రద్యుమ్నము (పింగళి సూరన).pdf/158

వ.⁠

ఇట్లు తెచ్చి.

⁠ 30

క.⁠

అనయము చేరిక యగుతఱి ననివార్యవ్రీడ భయభరాకులగతి యై తనవెనుక నొదుగ నొదుగఁగ వనితామణిఁ దేర్చి తేర్చి వల్లభుఁ జేర్చెన్.

⁠ 31

వ.⁠

ఇట్లు దగ్గఱఁ దెచ్చి యజ్జలజాక్షి యత్యూర్జితసముజ్జిహాస దుర్జయలజ్జాసముద్వేగ వగయు నుద్దామరోమహర్షణస్వేదో ద్భేదసాదితప్రకృతిమకరికాపత్రాంగరాగయుఁ బురస్స్థితిపరి త్యాగయత్నసంక్షోభసంచలీభవదుత్తరీయపార్శ్వపునఃపునరా లక్ష్యమాణవక్షోజకుంభతటవిజృంభణాభోగయు నగ్రదృష్టి ప్రసారపరిహారనియమనియతకటాక్షసంచారచారుకర్ణగోళకూ లంకషలోలలోచనద్రాఘిమశ్లాఘనీయముఖపరావృత్తిపౌనః పున్యధన్యాయితోభయోపాంతభాగయు నైనయెలనాఁగం జూపుచు నాపురుషరత్నంబుం గటాక్షించి.

⁠ 32

చ.⁠

పడఁతులచర్య లిట్టివి నృపాలకుమారక నేఁటిదాఁక గు ట్టెడలఁగ నీదుకూటమియపేక్షఁ బడం గలపాటు లెల్లఁ దాఁ బడి యిపు డిష్ట మబ్బుతఱిఁ బాఱుచుఁ దాఱుచు నేక్రియం బెసం గెడుఁ గనుఁగొంటే యంచుఁ జెలికే ల్గదియించె రతీశుచేతితోన్.

⁠ 33

క.⁠

ప్రమదంబున రాకొమరుఁడు కమలాక్షిఁ బరిగ్రహించె గాంధర్వవివా హముచే నయం ముహూర్త స్సుముహూర్తో౽స్తంచుఁ గెలన శుచిముఖి నవ్వన్.

⁠ 34