పుట:ప్రభావతీప్రద్యుమ్నము (పింగళి సూరన).pdf/157

⁠

రసికశేఖరుఁడు సర్వజ్ఞుఁడు ప్రియుఁడు నీ             కొలఁదిన నడుచు భీతిలకు మనియు సతిగోప్య మీశుభావాప్తి దీనికి నింత             తడయు టొప్పమి యెట్లు దలఁప వనియు

⁠

తే.⁠

మఱియు నెన్నియొ బిసిబిసిమాట లమరఁ బ్రియము చెప్పియు నదరవైచియు హితాను వృత్తిఁ దెలిపియు నొకకొంత మెత్తఁబడఁగఁ జేసి కేల్వట్టి తిగిచె నాచెలువఁ గదల.

⁠ 27

సీ.⁠

తిగిచిన రాక యీడిగిలం బడుచును ల             జ్ఞాలసత్వమున మల్లాడి యాడి నిలునిలు మొకమాట గల దని నిలిపి ప             ల్కుట కేమియును లేక గ్రుక్కి గ్రుక్కి యడుగడుగునకు నత్యంతనిర్బంధంబు             సలిపెడునందాఁక నిలిచి నిలిచి తెరువున నర్గళాదిక మేది చేతి కం             దినఁ బట్టువిడువక పెనఁగి పెనఁగి

⁠

తే.⁠

యిందుబింబాస్య కడు నలయించెఁ జెలిని విసివి పోదుగదా యనువెఱుపు నొదవ విభుని నూతనసంగమవేళఁ గరము వక్రములు లో పడంతులవర్తనములు.

⁠ 28

క.⁠

ప్రకృతిజ్ఞయు హితనిర్వా హికయు నగుట నల్ల నల్ల నేనుఁగుఁ గంబా నకుఁ దిగిచినట్లు యత్నా ధికతం జెలి తెచ్చె నాసతిం బతికడకున్.

⁠ 29