పుట:ప్రభావతీప్రద్యుమ్నము (పింగళి సూరన).pdf/150

తే.⁠

కాలకూటాహ్వయభ్రాతపాలు పట్టి పుచ్చుకొనుదాహకత్వంబు ప్రోచి ప్రోచి యింతవేఁడిమి సాధించితేమొ చంద్ర నన్ను నేఁచుటకే ప్రయత్నంబుతోడ.

⁠ 153

చ.⁠

ప్రథమకళ ల్నెలన్నెల నుపాయన మిచ్చుచు వహ్నిసూర్యులన్ బృథుతరమైనమైత్రిఁ గడుఁబ్రీతులఁ జేయుట యీదృశోష్ణిమ ప్రథమఫలిభవద్విరహిబాధకె కావలయు న్శశాంక యీ పృథివి నధర్మి కెన్నఁ బరపీడయె యుత్తమలాభ మెప్పుడున్.

⁠ 154

చ.⁠

చలువయె భ్రాంతిమూలము నిశాకర యింకొకఁ డెన్ని చూడఁ గే వలమును వేండ్రపుంబ్రకృతివాఁడవ యె ట్లనినం జకోరముల్ వెలయుఁ గడంక నీయుడుకువెన్నెల జుఱ్ఱుచు దానఁ జేసి కాఁ కలపడ శైత్యము ల్మరగినట్టివి నిప్పులమేఁత కోర్చునే.

⁠ 155

మ.⁠

ఇటుగా కొక్కొకకాలదోషమున నౌ నేమో విపర్యాసమ న్నిటియందు న్మలయానిలుండు నిదిగో నెమేనికిం జాల ను త్కటతాపం బొనరింపఁజొచ్చె నిదియుం ద్వచ్చంద్రికాజాలసం ఘటనాదౌష్ట్యము రాజధర్మ మనుచుం గ్రౌర్యంబుఁ దాఁ బూనెనో.

⁠ 156

వ.⁠

అని దక్షిణానిలు నుద్దేశించి.

⁠ 157

క.⁠

తలఁప జగత్ప్రాణుఁడవై వెలసిననీ విట్లు నన్ను వేఁచుట తగునే యిల వెలుగు చేను మేసిన మలయానిల యెద్ది కాఁపు మదిఁ జింతింపన్.

⁠ 158