పుట:ప్రభావతీప్రద్యుమ్నము (పింగళి సూరన).pdf/148

తే.⁠

నలకుటోవర్లు మేల్కట్లు నంగరాగ పూర్ణపాత్రికలును గందవొడిబరణులు జాలవల్లిక లాదిగా సముపభోగ సాధనశ్రీలు పరికించు సారె కబల.

⁠ 144

వ.⁠

ఇట్లు వర్తించుచున్న యన్నీలవేణి యాపువ్వు లాదరంబునం బుచ్చుకొనియె నట్టియెడ నిట్టు నట్టుఁ జెదరి పఱచుతుమ్మెద పదువుపొది వదలి యొదిగి యదుకుమారుం డక్కుమారిక సవరించుశ్రవణోత్ఫలంబులోనం గాన రాకుండ నడంగి యుండె నప్పు డప్పడంతి ముప్పిరిగొనురాగవేగంబునఁ బ్రియా గమనవిలంబంబు సహింపలేక బహిఃప్రాణంబు లన నొప్పు శుచిముఖిరాగవల్లరుల నేకతంబునకుం బిలిపించి శుచిముఖ కి ట్లనియె.

⁠ 145

శా.⁠

రాఁ డయ్యె హృదయేశుఁ డీహృదయభారం బెట్లు సైఁతున్ క్షణం బేఁ డై యున్నది యేటికిం దడసెనో యేవిఘ్నము ల్పుట్టెనో నేఁ డేతెంచుప్రయత్న మున్న నకటా నీతోడఁ జెప్పండె యె వ్వాఁ డీరీతి యెఱింగెనో యపుడు న న్వాక్రుచ్చి య ట్లాడఁగన్.

⁠ 146

శా.⁠

ఆహా యప్పటికట్లు న న్దలఁచెఁ గా కంతఃపురంబు ల్సుదు ర్గ్రాహంబుల్ పెఱవారి కెట్లు చొర శక్యంబైనఁగానీ కడున్ మాహాత్మ్యంబున మేటియంటి వతనిన్ దౌవారికాత్యుగ్రస న్నాహం బెక్కడ నుండు రావలసిన న్రాలేఁడె యెట్లేనియున్.

⁠ 147

క.⁠

వత్తు నవశ్యము నేఁడని చిత్తము తమి రేఁచి యంతఁ జింత యొకతెపై

⁠