పుట:ప్రభావతీప్రద్యుమ్నము (పింగళి సూరన).pdf/146

క.⁠

అనుచు విరు ల్కచబంధం బునఁ జెరివెడుసఖిని మరలి పొలఁతుక వైచెం దనచేతిపువ్వుబంతిని గినుకయుఁ జిఱునవ్వుఁ గన్నుఁగ్రేవలఁ దొలఁకన్.

⁠ 134

వ.⁠

అంత.

⁠ 135

తే.⁠

అని చెలువ యక్షకర్దమం బాదిగాఁగఁ గలపములభేదములు దనవలసినట్లు సంఘటింపించి కుంకుమచందనాదు లలఁది నిలిపించుకొనియె మే లరసి యరసి.

⁠ 136

తే.⁠

మృగమదాదులఁ జుక్కబొ ట్టగిసెయాకు బొట్టు పూర్ణచంద్రతిలకంబు నెలవంక విధమునామము గుమ్మడివిత్తునామ మొకటి గా దాని యొకటి యాయువిద దాల్చె.

⁠ 137

తే.⁠

వెలఁది మట్టెలు పిల్లాండ్లు వీరమద్ది యలును నందెలు మొలనూళ్లు నంగుళీయ కంకణాంగదహారతాటంకముఖస మస్తభూషణములు దాల్చె మార్చి మార్చి.

⁠ 138

క.⁠

ఒక్కొకతోయముసొమ్ములె పెక్కుఁదెచెఱంగులవి యునికి పెంపున నివి యొం డొక్కటి మీఱుచుఁ దనప్రభ నెక్కుడగుటఁ ద్రిప్పి త్రిప్పి యింతి ధరించున్.

⁠ 139

ఉ.⁠

అంచలప ట్టొకింతతడ వబ్రపుమంజిడి కొంతసేపుఁ గ్రొ మ్మించుజరంగుదళ్లుఁ గడుమేలిమిమాదళము ల్బవంతు లొ క్కించుక యించు కంతవడి యింపున నొక్కటి మెచ్చ కొక్కటిం

⁠