పుట:ప్రభావతీప్రద్యుమ్నము (పింగళి సూరన).pdf/142

క.⁠

విచ్చలవిడి ననుఁ బేర్కొని యిచ్చను గల దెల్లఁ బలికి యిదె నేఁటినిశన్ వచ్చెద ననుచున్నాఁ డిఁక నిచ్చో మఱి యర్థ మెద్ది యితరము దీనన్.

⁠ 110

క.⁠

ఎవ్వరు వినుటకుఁ గైకొనఁ డివ్విభుఁ డిది యేమిభ్రాంతి యెత్తైనొకో నా కెవ్విధి ప్రాప్తమొకో మని నివ్వెఱపడి యింతతడవు నిలిచితి వినుచున్.

⁠ 111

వ.⁠

అనుడు శుచిముఖి యాశశిముఖి నీక్షించి.

⁠ 112

మ.⁠

అతివా యన్నిట జాణ నీమగఁడు నీ కాచింత యుక్తంబు గా దతఁ డర్థద్వితయోక్తి నీకు నుచితం బైనట్టు నీకు న్సభా ప్రతి కర్హం బగురీతి నాతనికిఁ దోఁపం బల్కినాఁ డేది నీ మతిఁ దోఁచెం బ్రకృతంబు గాఁ బరు లాత్మం గాన రాయర్థమున్.

⁠ 113

క.⁠

సకియా నానార్థోక్తుల నొకనియమము తెలియు మర్ద ముచితం బెచ్చో టికి నెద్ది యదియ యచ్చోఁ బ్రకటము హరి శ్రీవిభుఁ డనుపల్కునఁ బోలెన్.

⁠ 114

వ.⁠

కావున నీవల్లభుండు నిన్నుఁ బలికినపలుకు లన్యు లెఱిఁగిరో యనుశంక విడువు మతం డితరులకు నాట్యావసానసమయ సముచితస్తోత్రప్రకరణబలంబునఁ దోఁచుచున్న యర్థాంతరంబు చేతఁ బ్రభువు నుపచరించి యిదె యతనిచేఁ దనవిడిదికి నని పించుకొని చనుచున్నవాఁ డని పలికి శుచిముఖ యంతం బలికినట్ల సేయు రౌక్మిణేయుం జూపి తనతలంపు యథార్థం

⁠