పుట:ప్రభావతీప్రద్యుమ్నము (పింగళి సూరన).pdf/140

సీ.⁠

ఆనాటకప్రయోగావసరముల భ             గీరథాద్యాకారధారణమును గంగాదినిమ్నగాగతియుఁ గైలాసాది             నగకల్పనమును నానావనప్ర పంచనంబును బశుపక్షిమృగాదిజం             తువిశేషరూపవృత్తులును మఱియు నెచటి కెయ్యది యోగ్య మచటఁ దత్తద్వస్తు             సృష్టి పన్నిదము వేసియును గృతక

⁠

తే.⁠

మగుట నిశ్చయింపఁగ లేక యబ్రపడుచుఁ జూచి సామాజికులు తమసొమ్ము లెల్ల నొసఁగులుగ వైవ నడుపుచు నొప్పు మీఱె రుక్మిణిసుతుండు మాయానిరూఢి మెఱసి.

⁠ 101

వ.⁠

ఇవ్విధంబున నాత్మీయదివ్యమాయాప్రపంచసముదంచిత నాట్యవంచితులం గావించి నక్తంచరులధనసంచయంబు నూఁచముట్టుగా దోఁచుకొనుచుఁ జూచుఖేచరులకు వేడ్కఁ బుట్టించె.

⁠ 102

మ.⁠

ప్రియకాంతామణిచూడ్కికిన్ నిజవపుశ్శ్రీతోన తోఁచెన్ మహా నయమాయానిధి రుక్మిణీసుతుఁడు నానాభూమికాధారణుం డయి భద్రుం డయి పొల్చువేళ 'నహి మాయాయా మసంభావ్య మ స్తి' యటంచు న్బుధులాడుమాట మదిఁ జింతింపంగ బొం కేలగున్.

⁠ 103

శా.⁠

ఆభవ్యుం డటము న్నొకొక్కనెప మొప్పార న్మరాళీప్రది ష్టాభిజ్ఞానగవాక్షలక్ష్యదనుజాధ్యక్షాత్మజావక్త్రవీ

⁠