పుట:ప్రభావతీప్రద్యుమ్నము (పింగళి సూరన).pdf/138

క.⁠

తమనాట్యవిద్యఁ జూపఁగ సమకట్టి తదర్హ మైనసన్నాహవిశే షముతోడ నేఁగుదెంచిరి రమణ దలిర్పంగ నృత్యరంగస్థలికిన్.

⁠ 94

వ.⁠

శుచిముఖ యటమున్న తనపలికినక్రమంబున వచ్చి వజ్ర నాభునియాదరంబు వడసి ప్రవర్తిల్లుచుం బ్రభావతికిం జంద్ర వతీగుణవతులకుం దత్పతులరాకతెఱం గెఱింగించి వియోగ తాపంబున మిగుల నొగులకుండఁ దదాశాశీతలోపచారంబున సేద చేర్చుచు నుండి యప్పు డ ట్లేతెంచినప్రద్యుమ్నునకు క్షణ క్షణప్రవర్ధమానప్రభావతీరాగవృత్తాంతంబున నౌత్సుక్యంబుఁ బెనుచుచు నతిగూఢంబుగా రాకపోకలు గావింపు చునికిం జేసి యతనితోడ నేఁడు నీహృదయవల్లభ నీనాట్యంబు చూడవచ్చు నని చెప్పి తదాగమనీయహర్మ్యస్థలంబునుం జూపి పోయె నంత.

⁠ 95

సీ.⁠

వజ్రనాభుఁడు రాజ్యవైభవం బెంతయు             మెఱసి నానాబంధుమిత్రసచివ సంఘంబుతోడ నాస్థానమహామంట             పమునందు నొడ్జోలగమున నుండి పరులదృష్టికి నగోచర మగుసంవృత             స్థలి నిల్చి రాణివాసపుజనంబు చూచునట్టుగఁ జేసి సొంపారువేడ్కతో             సావధానస్వాంతుఁ డగుచుఁ జూడ

⁠

తే.⁠

సంవిహితరంగమంగళాచారుఁ డగుచు సురహితముగ మాయానాట్యసూత్రధార

⁠