పుట:ప్రభావతీప్రద్యుమ్నము (పింగళి సూరన).pdf/137

తే.⁠

యందు రుక్ష్మిణిసుతుఁడు భద్రాఖ్యురూపు గదుఁడు పారిపార్శ్వికునియాకారము మఱి సాంబుఁడు విదూషకునిప్రకారంబుఁ దాల్చి చనఁగ నియమించి పంచెను దనుజపురికి.

⁠ 90

ఆ.⁠

ఆముగురు పరస్పరావిదితస్వప్రి యాంగనాసమాగమానుగుణతఁ బ్రమద మొంది రవుడు ప్రత్యేక మీయాత్ర నాదుభాగ్యవిలసనంబ యనుచు.

⁠ 91

సీ.⁠

మనముల ని ట్లుబ్బుచును నటవేషంబు             ధరియించి తమకును దగినయట్టి వారసీమంతినీవ్రాతంబు గొలువ వై             ణికవైణవికమౌరజకజనాది నాట్యసామగ్రి మున్ భద్రున కెట్టిది             యట్టిద యై కనుపట్టుచుండఁ గదలి యథోచితగతిఁ బయనంబులు             వర్తిలఁగా నేఁగి వజ్రపురము

⁠

తే.⁠

ప్రాంతమునను శాఖానగరములయందు విరివి చూపట్ట మేళంబు విడిసి విడిసి యతివిచిత్రంబు లగుతమయాటనేర్పు నెల్ల నెఱపిరి కడువార్త కెక్కుచుంట.

⁠ 92

క.⁠

దనుజేంద్రుఁడు తద్వార్తలు వినుచున్ హృదయమునఁ బొదలువేడుకతో వా రిని బిలిపించెను వారును జని యాదనుజునకు నుచితసమయమునందున్.

⁠ 93