పుట:ప్రభావతీప్రద్యుమ్నము (పింగళి సూరన).pdf/115

ఉ.⁠

ఏల చలంబు నీ వడిగెదేని వచించెద నాదుగోప్యముం బేలవె యార్చి తేళ్లఁ దలఁబెట్ట రహస్యము దప్పు నన్నచో దాలిమిఁ గప్పిపుచ్చినను దద్గుణ మొక్కొకచో ఫలించు నా వేళబపంచు సేయ నొకవీసము గల్గదు హింస తప్పదున్.

⁠ 147

సీ.⁠

కావున నొకవివిక్తస్థలంబున నిల్పి             వినుము నాత ప్పెల్ల వినినవెనుక నీకుఁ దోఁచినయట్లు గైకొని చేయుదు             గాని నావుడు హంసకాంత దనకు నప్పటి కదియ కార్యముగ వివేకించి             చుట్టుపట్టుల నెందుఁ జెట్టు చేమ లేక యొప్పెడునొక్కలీలామహీధర             శిఖరంబుపై నిల్చి చిలుకఁ దనదు

⁠

తే.⁠

పక్షముల బల్మిఁ బట్టి యాపత్రికాప్ర కార మేమియు నీ వింకఁ గడమపెట్ట కంతయును నాకు నెఱిఁగింపు మనుచుఁ బలికె నంచతొయ్యలి కదియు ని ట్లనుచుఁ జెప్పె.

⁠ 148

క.⁠

ద్వారక యనుపురమున కొక కారణమున నేఁగి నేను గ్రమ్మఱి రాఁగాఁ జారుతరమూ ర్తి యొకఁ డొక యారామములో నతివ్యధాకులుఁ డగుచున్.

⁠ 149

సీ.⁠

కృప నెఱిఁగింపరే కీరోత్తమములార             వజ్రపురికిఁ బోవువారె మీరు

⁠