పుట:ప్రభావతీప్రద్యుమ్నము (పింగళి సూరన).pdf/104

⁠

మనిన నమ్మాటలు పెడచెవులం బెట్టి యొక్కింతతడవు చింతించి కటకటం బడుచుఁ బ్రభావతి యి ట్లనియె.

⁠ 96

మ.⁠

చిరకాలంబునఁబట్టి యేను మదిఁ గాంఘింపం బ్రియోదంత మి ట్లరపదార న్వినిపించి ప్రాణసఖివై హంసీ తుదన్ యుక్తమే విరసంబైనవచఃప్రపంచనముచే వేపంగ నిందాఁక నిన్ సరసత్వంబునఁ బ్రౌఢవంచు మదిలోఁ జాలంగ నే నమ్మితిన్.

⁠ 97

తే.⁠

వజ్రనాభుండు మును స్వయంవరపువిధికి నను నియోగించి దేవగంధర్వసిద్ధ యక్షవిద్యాధరాదుల నసురవరుల విశదముగ వ్రాసి చూపించె వేఱువేఱ.

⁠ 98

క.⁠

వారలలో నెవ్వానిం గోరెడునందాఁక లేదు కొలుపద యుల్లం బారసి చూడఁగ నైనను బ్రారబ్ధం బెట్టు లున్నయదియొ యెఱుంగన్.

⁠ 99

చ.⁠

జనకుఁడు నప్పు డీసకలసద్గుణపూర్ణుని వ్రాసి చూప నా కనుపఁడు వ్రాయునంతటి సమర్థులు లేమినొ తా నెఱుంగఁడో మనుజుఁ డటంచుఁ గైకొనఁడొ మత్కులవైరితనూజుఁడంచు మా నెనొ యెఱుఁగన్ సురారికులనిర్మథనుండని విందుఁ గేశవున్.

⁠ 100

చ.⁠

అది తలపోసి కుందఁ దగునా యదునందనునందు నున్ననా మదితెఱఁగున్ జగజ్జననిమాటలుఁ జెప్పఁగ వించు శంకచే సెదు పురుషాంతరానుమతి చేకుఱునో యని నీకు నింక నా హృదయములోఁతు గానఁబడ దే నెఱిఁగింతుఁ బ్రతిజ్ఞ యొం డిఁకన్.

⁠ 101