పుట:పూర్వకవుల శృంగారప్రబంధములు.pdf/79

వికీసోర్స్ నుండి
ఈ పుట అచ్చుదిద్దబడ్డది


కంఠమున గల్గు చెమ్మట కండువాను
దుడిచి యా పైన మూతిని దుడిచి వైచి.


తే.

స్పృహ యొకించుకలే నట్టిసుందరాంగి
పగిదిఁ గనుఁగొని పయ్యెద పైకి జేర్చి
చన్నుగవఁ జూచి యివ్విరా చన్ను లనుచు
మొనలు ముద్దాడి మగుడను మూసి వైచి.


తే.

చిక్కులం బట్టి కొనగోళ్ళ చేత సర్ది
దువ్వి పేరులు సవరించి తొంగి చూసి
తిలక మెప్పటిరీతిగా దిద్ది, బట్ట
పూర్తిగా గప్పు తన దగు మోమునందు.


తే.

కాంత కఱచిన యట్టి యా కాటు లన్ని
పరుల కన్నులఁ బడకుండ బాగు చేసి
కొంచు తన గోటినొక్కులు కొమ్మచనుల
యందు గలవేమొ యనుచు పయ్యంట నంత.


తే.

పైకి తొలగించి వీక్షించి పడఁతి యేమి
కోపగించునొ యంచును కొంత జడిసి
పొలుపు మీఱఁగ కస్తూరి పూసి పూసి
కడు విచారించె చంద్రుఁ డా గాయములకు.


తే.

ముద్దులను బెట్టి యలదాని మోవి యాను
చుండఁగా వచ్చె నంత గురుండు, వాని
దక్కి చని ‘యేమి సెల’ వని ‘దండ’ మనిన
‘నేమి కనఁబడ దది యెట కేగె’ ననియె.


తే.

‘ఏడకుం బోవలేదు, నేఁ డేమొ కాని
పండుకొనియుండె శాలువా పైన గప్పి
అమ్మగా’రంచు విధుఁ డన నతఁడు వేగ
పాన్పు దరిజేరి యి ట్లని పలుఁకదొడఁగె.