పుట:పూర్వకవుల శృంగారప్రబంధములు.pdf/50

రామావధూటితారావళి

39

గీ.⁠

నీకుఁ దగినట్టి పురుషుఁడ నేన నాకుఁ దగినసుందరి వీవ కాఁదలఁచి చాల వలచి యన్యోన్య మతనుని గెలిచి మిగుల మంచితో నుంటిమిగదె రామావధూటి.

⁠

సీ.⁠

ఒకనాఁటికలలోన సకియ నీకాలిపాజేబులో జందెంబు చిక్కినట్లు ఒకనాఁటికలలోన సకియ నీచేతిపోచీలోన నాకురుల్ చిక్కినట్లు ఒకనాఁటికలలోన సకియ కౌఁగిఁటఁ జేర్చుతఱిఁ గంటె గడ్డానఁ దాకినట్లు ఒకనాఁటికలలోన సకియ మెల్లన నాదుగూబలో కొక్కొరో కూసినట్లు

⁠

గీ.⁠

లిన్నివిధమలు నచ్చట నున్న నాఁటివన్నె లన్నియుఁ గలలోన వచ్చి యిచట గాసి గూర్చుచున్నవి నిన్నుఁ బాసి యెట్లు మరులు నిల్పఁగనేర్తు రామావధూటి.

⁠

సీ.⁠

నమ్మినవాని నన్యాయంబు సేయుట కాశిలో గోహత్యగాదె కలికి వలచి వచ్చినవాని వంచనల్ సేయుట నరహత్యగాదె పున్నాగవేణి చెలిమి కోరినవానిఁ జేపట్టి విడుచుట బ్రహ్మహత్యయెకాదె పంకజాక్షి ఆడి తప్పినదోష మన్ని దోషములలో మొదటిదోషము సుమీ మోహనాంగి

⁠

గీ.⁠

నిన్ను నమ్మితి వలచితి నీవు నన్నుఁ బ్రేమఁ జేపట్టితివి యిఁక విడువ ననుచు బాసఁ జేసితి విప్పు డీపగిదిఁ గూర్మి మఱచిపోవంగఁ దగునె రామావధూటి.

⁠

సీ.⁠

చంద్రఖండంబుపైఁ జంద్రఖండము రేక నుదుటఁ గుంకుమవంకఁ బదిలపఱిచి కొండలపై మంచు నిండియుండినరీతిఁ జనులపై మైఱైకఁ జక్కపఱిచి కలువరేకలఁ దుమ్మెదలు వ్రాలి యున్నట్ కనుదోయి నంజనంబును ఘటించి బంగారుప్రతిమలఁ బటిక నార్చినరీతి లలి జిల్గుమల్లిసెల్లా ధరించ

⁠

గీ.⁠

యంగజప్రభు విజయకాహళులపగిదిఁ గాళ్ళ నందెలు పాంజెబుల్ ఘల్లురనుచు మ్రోయ మెల్లన వచ్చి నామ్రోల నిలుచు ఠీవి మఱవంగఁ దరమె రామావధూటి.

⁠

సీ.⁠

ఒకనాఁడు మేడపై నొంటిగా కిటికిటీలెల్ల బిగించి శయంచువేళఁ జల్లగా నేవచ్చి మెల్లమెల్లనె ముద్దు లిడఁబోవఁగాఁ ద్రుళ్ళిపడి బిరాన లేచి చెంగట నన్నుఁ జూచి సెబాసు రా రండి యటంచు నురంబపైకి తిగిచి నాచిబుకంబుఁ దివురుచు నవ్వుచు మధురవాక్యముల నన్ మరులుకొల్పి

⁠

గీ.⁠

సరసులైనట్టి నీవంటిజాణ లిట్లు చెలులమానంబులను బయల్ సేయఁదగునె యంచు మంచిగ బోధించినట్టినేర్పు మదికి మఱవంగఁ దరమె రామావధూటి.

⁠