పుట:పూర్వకవుల శృంగారప్రబంధములు.pdf/42

వికీసోర్స్ నుండి
ఈ పుట అచ్చుదిద్దబడ్డది


గీ.

చేసి భూతంబువిడిచె చిగురుబోణి? యనిన నది నవ్వి యఱమోడ్పుగనులతోడ
నన్ను మాటికి గనుకొన్న నాఁటిసొంపు మది దలంప బ్రహ్మానంద మదియకాదె.


సీ.

ఒకనాడు జవ్వని యుపరితాండవ మాడ నేనట్లు సరిగ నందిచ్చుచుండ
ముడిగి దాలోమొగ్గ మొనగదల నదిమికొనుచు దా నబ్బబ్బ యనుచు మిగుల
బరవశత్వము జూపుతఱి కుసుంబావన్నె చిలచిల ననిజాఱ సిగ్గుపొడమి
తలవంచుకొన జూచి తరుణి! కానున్నదైనది ఇంకజంకేల? ననుచు నేను
చనవిచ్చి వడిగగూడిన రసాభాసమై లో నొప్పి కల్గ నా లోనమాకు


గీ.

కళలు జాఱంగ నేలేచి కడురయమునస్నాన మొనరించి మరియొక్కశయ్య చేర
ననువిలోకించి నవ్విన నాటిసొంపు మదిఁ దలంప బ్రహ్మానంద మదియకాదె.


సీ.

పనిగ నాశోభనంబునకు పేరంటంబు వచ్చిన వారిలో వనిత యొకతె
వరసలాడుచు మమ్ము పడకింటిలోనికి బంపి తానటుబోక పొంచిచూడ
బొసగ నందర నిద్ర బోనిచ్చి తగ యేమరించి వంచించి నే బొంచి దాని
బట్టి లోనికి దీసి పడవైచి యాపనిజేసి చూపించి యాచిన్నిపడుచు


గీ.

కాశబుట్టించి దాని సాహాయ్యము నను కాంక్షదీఱగ నటు నిషేకంబు చేసి
యిద్దరిని నొద్దనుంచుక ముద్దులాడ “నధికసాహసి" ననుచు వారన్నమాట
మదిఁ దలంప బ్రహ్మానంద మదియకాదె.


సీ.

ఒకమానవతిని నే నొప్పుమీఱ ననేకదినముల నుండి ప్రార్ధింప నొప్ప
కున్న “నాయెడలిలో నూపిరిగలిగుండునంతలో నిన్ను సాధితు" ననిన
నది "చూతమింకబొ" మ్మన నాఁటనుండి నేమదిలోన దరుణంబు వెదకుచుండ
నొకనాఁటి రాత్రి తప్పక దేవుడటు వీథి వేంచేయజూడ నవ్వెలది మగఁడు
లేచిపోయిన నదిచూచి నేకొంత నిదానించి చీకటిఁ తరినిబోయి
కూడిన బతియను కొని యదియుండ నా కోరిక తీర్చుక పేరు జెప్ప


గీ.

"పద్దు సాధించితివి" యని పలికి నన్ను మమతతో ముద్దులాడి “యీమాటనింక
నన్యులకు నీవు చెప్పవ" ద్దన్న మాట మదిఁ దలంప బ్రహ్మానంద మదియకాదె.


సీ.

వనిత యోర్తుకు నాకు వైవులే కిరుగూరి తిరుణాళ్ల గడువుంచి మరియు గొంద
ఱే మునుజని యొక్కయింటిలో నిద్రింప పరగనే లేచి దీపంబు మలిపి