పుట:పూర్వకవుల శృంగారప్రబంధములు.pdf/36

వికీసోర్స్ నుండి
ఈ పుట అచ్చుదిద్దబడ్డది


సీ.

ఒకదాని బల్మి నూరికి బిల్చుకొని చన్నమాట విన్నను మేను మరచియుంటి
దానిగూడచోట్లు దానిల్లు సఖులనుబరికింప గుండెగుభాలుమనును
విరులు పన్నీరు లత్తరు పండ్లు వంటకంబులు బంపినది మది దలచి వగతు
నాయట్టి దీరుల కేయింత విరహవేదనయుంట నచట నా తరుణి కెంత
పరితాపముండునో పడతి ప్రాణంబులు వాయునో యని నేను బ్రతికియుంటి


గీ.

నంత నాకొఱకది మేన బ్రాణములను నిలుపుకొని రాగ నిద్దర మెలమిగూడి
యొడలు నుంచి క్రీడింపుచు నున్నసొంపు మది దలంప బ్రహ్మానంద మదియకాదె.


సీ.

ఒకయెలనాగ యించుక నేరమున నన్ను విడిచిపోయిన నేను వేరుదాని
గూడ నాదినమున గోర్కెతో మఱికొంద రస్మదీయప్రియ లదియు నిదియు
నొక్కచోనుండి నే నుత్సాహమున స్వారిరాఁ జూచి యలిగిన రమణికూడి
నట్టినెలంతతో గట్టిగా నాతప్పు జెప్పుకొనంగ బోగుప్పుమనుచు
నత్తరువాసన లత్తఱి బొలయ దాదెలసి కంపని మోము ద్రిప్పి రోసి
కొనుచు నీవస మండనము లెక్కడివన్న హరి యిచ్చెననగుండె లావటిల్లి
పలుకకుండిన దాని బరికించి తక్కినసతులు నీకేమిచ్చె శౌరియనగ
దనతప్పుల దలపోసి కనుల నశ్రులు నించి యచట నుండక యింటికరుగుదెంచి


గీ.

యచట నాబ్రతుకేల నింకనుచు నొక్క చెలియతో జెప్పిపంప నేబిలువనంప
నన్నిగూడి సుఖించిన నాటిసుఖము మది దలంప బ్రహ్మానంద మదియకాదె.


సీ.

వనజాక్షి మొగ్గావా లినగూడ మదనుండు చిక్కెరంట దూ పెక్కు వెట్టి
లాగినక్రియ దోచు లలన నిల్చి పెనంగ నవలతాపరివేష్టనంబు జూచి
దా నెక్కితిరుగ నెంతయు బిండివిసరెడు ఘనఘరట్టముభంగి గానుపించు
పదపడి నే దాని పైకెక్కి తిరుగుచో వెస గానుగాడినవిధము దోచు
బడతి తామోకాళ్ళు ముడిచి ముందుకు తగ్గి యట్లు పైకుబ్బి చెయ్యాని వదన
మెత్తిన నేవెన్క నింపార గూడుచు ముందుకు చెయ్యూది యకందమరల
యెడచేత దాని రొమ్మెత్తి పట్టి పరస్పరాధరంబులు ప్రీతి నందుకొనగ .
మదగంధి హప్తిచే మావటపం డందుకొన్నచందము దోచు నన్నెలంత


గీ.

యిత్తెఱంగున బాన్పుపైన నత్తమిల్లి చతురతచెలంగ బంధసంగతులు దెలసి
నన్ను గూడి క్రీడించిన నాటిహొయలు మది దలంప బ్రహ్మానంద మదియకాదె.