లంబోదర ప్రహసనము
(ప్రవేశము-జంబుకుఁడు)
జంబు—
చ. |
వెలిరతి లోరతమ్ముల నవీన విలాసల నాసగొల్పు రో
వెలఁదుల మేలుబంతి విటవీరుల చేఁ బువుబంతి గృధ్రితో
గలసి నిశీధినిం గడపి కామిని నింటికిఁ బంపినాడ న
గ్నుల నిఁక నిష్టమై గొలువఁగోరెడు నామది సంతసంబునన్.
|
|
అప్పుడే తెల్లవారవచ్చుచున్నది. నాసహపాఠకుఁడగు కాసరుని గురువుకొఱకు నదీతీర్థమును దెమ్మని నియోగింతును. ( అంతట కలయజూచి,)
సీ. |
నలుదిశిల్ వ్యాపించె నరమూత్రగ్రంధసం
కలితమౌ చీపురుకట్టదుమ్ము
నదికు న్ముఖం బైరి మదవతుల్ చినిఁగిన
మైలపక్కలఁ జంక మడతబెట్టి
శోధింపుచుండిరి సాధుసన్యాసులు
తమ్ముచేఁ గలుగు దంతముల గార
దంపఁజొచ్చిరి శాలిధాన్యంబు విధవలు
కరములఁ బెద్దరోఁకళ్ల బూని
|
|
గీ |
అంగణము లూడ్చి శోధింప నావుపేడఁ
బట్టుకొని కొంద ఱతివలు బయనమైరి
కలశములఁ బూని కొందఱు మలవిరేచ
|
|