పుట:పూర్వకవుల శృంగారప్రబంధములు.pdf/225

వికీసోర్స్ నుండి
ఈ పుట అచ్చుదిద్దబడ్డది


నీ కేలుతాకిన నిముసమందే, తను
            వెల్లను నాకు జల్జల్లుమనును
నీవు ముద్దాడిన నిముషంబునందె చె
            కులు మిక్కిలిగ నాకుఁ బులకరించు,
నీకౌగిలిం గన్న నిముషమ్మునందె, డెం
            దమ్ము దట్టమ్ముగా జెమ్మగిల్లు,


ఆ.

నిన్నుఁ గూడి నపుడె నెమ్మేను కంపించు
చేత లుడుగు గనులు మూతపడును.
హృదయ మదరఁ దొడగునది సుఖమో, కష్ట
మో, యెరుంగజాల నోయి సామి.

63


సీ.

పలుమారు నిన్ను ముద్దులు గొంటి, నీదు చె
            క్కిళ్ళు కందునని శంకింపకుండ,
ప్రియమారగా నీదు పెదవి నొక్కితిని, బ
            ల్మొన నాటునంచు మోమోటపడక,
గాడంబుగా నిన్నుఁ గౌగలించితిని, నీ
            యురము నొచ్చునటన్న యూహలేక,
కసితీర నీతోడ గలిసి పెనంగితి,
            నలయుడు వనియును దలఁపబోక


గీ.

మున్ను నీపొందుకై వాచియున్నదాన
నౌట, సివ మెత్తినటుగా నైతిఁ గాని
యింతయొత్తుడు కలిగింప నింకమీఁద,
బెదరు మాని క్రమ్మఱను రాగదర స్వామి.

64


చ.

హృదయములోన భావముల నెల్లను దెల్పఁగఁ బోవ, భీతి నా
పెదవులు దాచియుంచి మన ప్రేమకు నడ్డుగవచ్చె, వాని నీ