పుట:పూర్వకవుల శృంగారప్రబంధములు.pdf/213

జాబులు

రెండవభాగము

⁠

శ్రీనందన సమసుందరుఁ డైన మనోహరునకుఁ బ్రియురా లనురాగం బూని కవుంగిట గాఢము గా నణఁచుచు మ్రొక్కి, చేయగల విన్నపముల్.

⁠ 1

ఉ.⁠

కంటికి నింపుగాఁగ నినుఁ గన్నది యాదిగ కామబాధచే గంటసమయ్యె నాబ్రతుకు, కంటికి నిద్దుర రాకయుండె, ఆ కంటికి నన్నమైనఁ దినఁగా వెగటయ్యెను, నిన్నుఁ గానమిన్ గంట యుగంబు కైవడిని కన్పడుచున్నది ప్రాణనాయకా.

⁠ 2

చ.⁠

అల దినమందు నా సమయమం, దల, చోటున, నీటుగోటు, లిం పులు పలు సొంపు, లందమును బొల్పగు చందము, షోకుఠీకు, లే పులు బలుకోపులుంగల యపూర్వపు నీచెలువంబు చూచి, నా తలఁలు నీపయిన్ నిలిచె, తపవయో! యెటు త్రిప్పుకొన్ననున్.

⁠ 3

సీ.⁠

లేఁతవెన్నెలను బోలిన చిఱునవ్వుతో             మురియుచునున్న నీముద్దుమొగము కర్నరంధ్రము లడ్డుగా రాఁగ నిల్చిన             గతిఁ బొల్చచున్న నీకన్నుదోయి,

⁠