పుట:పూర్వకవుల శృంగారప్రబంధములు.pdf/211

⁠

వగలాఁడీయటు పెట్టకున్నపుడె యోర్వన్ రాని యీబాళినిం డెఁగదా? పెట్టిన, మన్పధుండసువు లేనిన్ నిల్వంగానిచ్చునే?

⁠ 92

సీ.⁠

చవిచూపితినెకాని చాన, నీయధరసు             ధల్ పల్మొనలుగ్రుచ్చి త్రావనైతి, ఆనించితినెకాని యతివ, చెక్కిటమోవి             ననుకొన్నరీతి ముద్దాడనైతి, స్పృశియించితిని చెలి, నీయురోజమల్             గట్టిగా పలుమారు పట్టనైతి, తగిలించితినెకాని తరుణి, మేన్ మేను న             ల్లికగొనఁగాఁ గౌఁగలింపనైతి,

⁠

గీ.⁠

మచ్చుచూచితినెకాని మగువ, ప్రథమ నిధువనంబౌటఁ దృప్తిజనింపఁగా ర మింపనైతిని, గాన నేయింపుమై పు నస్సమాగమనంబునకు నింతగఁ దపింతు.

⁠ 93

ఉ.⁠

కౌఁగిట నిన్నుఁ జేర్చుకొనఁ గల్గెడిభోగము నింద్రభోగముం గా గణుతింతు, నెంతనినుఁ గౌఁగిటఁజేర్చినఁ దృప్తికల్గలే దో గజరాజయాన! యిఁకనొక్కపరిన్, మఱియొక్కమాఱు, త ద్భోగము నేనుబొందఁదలఁతున్ విసువుంగన కట్లొసంగుమా.

⁠ 94

ఉ.⁠

కాముకవృత్తిమై రకరకంబుల భామలతోడ నేస్తమో కామిని మున్ను సల్పితినిగాని యొకర్తుక యేని నేర్పునన్, గోమున, నిన్ను బోలఁగలకోమలి కన్పడలేదు, నేనిఁకన్ కామునిసాక్షి గాఁగ నినుఁగాక మఱొక్కతె నొల్ల నెన్నఁడున్.

⁠ 95

ఉ.⁠

ఓ ఫణిరాజవేణి, మన మొండొరుమోములు చూచుకొన్న వే ళాఫలమో, మఱేమియొ, బళా! నినుఁ గన్నులఁ గన్న దాదిగా సాపుగ నన్యకామినుల సంగతికిన్ మనసొగ్గదాయె, ద్వై రేఫము వేఱువువ్వులఁజరించునె, నీరజమే లభించినన్.

⁠ 96