పుట:పూర్వకవుల శృంగారప్రబంధములు.pdf/187

వికీసోర్స్ నుండి
ఈ పుట అచ్చుదిద్దబడ్డది


క.

రాయవరంబున నీ క
త్యాయతగేహంబు గట్టి యం దుంచెద నీ
వే యెడకుఁ బోక యుండుము
నీ యండనె యుండువాఁడ నే నచ్చోటన్‌.


తే.

నావుడు న దిట్టు లనియెను దేవ నాకు
నీవు దయ దండఁ జిక్కుట కేవలముగ
సకలసామ్రాజ్య మిచ్చుటె సంశయంబు
లేదు నీదాన నై యుందు మోదమునను.

150


క.

నీకంటె లోనిచుట్టము
నా కిచ్చెడువాఁడుఁ గలఁడె నానాగతులన్‌
జేకొని కాపాడుము సుగు
ణాకర యెవ్వరిని జేర నరుగక యుందున్‌.

151


వ.

అంత నంతకుమున్న గోతియొద్ద నక్కచందంబున ద్వార
బంధమ్ముకడఁ గాచుకొనియున్నవాఁడు గావున వేంకటసోమయాజి
యిదంతయు నాలకించి తటుక్కున లోనికిం బ్రవేశించి యిట్లనియె.


క.

ఇషు వినుము చంద్రరేఖా
భషకమువలె నిన్నుఁ జేతఁ బట్టి యెవరినిన్‌
విషయింప నీయ గట్టిగ
మృష గా దని పలికె మిగులఁ బ్రేమ దలిర్పన్‌.

152


వ.

అయ్యవసరంబున.


సీ.

ప్రాఁతపుట్టము కట్టి పూఁతచెందిర వెట్టి
            పాఁతచెప్పులు మెట్టి చేత గట్టి
కోలసోలుచుఁ బూని చాల మద్యం బాని
            ప్రేలుకొంచును గూను గ్రాల యోని
పుండ్ల కీఁగలు వ్రాల జండ్లు బొడ్డునఁ దూలఁ
            గండ్ల పుసులు కార రొండ్లు వ్రేల