పుట:పూర్వకవుల శృంగారప్రబంధములు.pdf/173

⁠

నిర్భరనిర్భాగ్యదామోదరదురోదరమృగయావినోదామోదఖేల న్నీలాద్రినృపాలబాలిశదుష్కరకరాగ్రసమర్పితయాగఫలదానధారా పూరంబునుంగా క్రతువు సమాప్తంబు గావించి జన్మంబు బన్నంబు లేకుండ గడతేఱె మదీయపుత్త్రియు నిజముఖకళావిలాసతిర స్కృతచంద్రరేఖ యగు చంద్రరేఖను కోమలాలంకారభవ్య యగు నా కావ్యకన్యకకును నుత్తముండగు నీలాద్రినృపుండు వరుండ య్యెడు సమయంబు నయ్యె మామకీన భాగ్యమహిమంబు చెప్పదరంబె యని సంతుష్టాంతరంగుండై చని చని.

⁠ 72

సీ.⁠

పూతిగంధాధారిపుంఖితడిండీర             భరిత మై రేయకుంభవ్రజంబు గ్రామసూకరమాంసఖండతోరణవార             కంకవాయసగృధ్రసంకులంబు మేదురఖాదనామోదసంపాదిత             తామ్రచూడాసహ్యతటతలంబు రతిరాజసంగరోత్థితషిద్గజనశుక్ల             మూత్రార్థగేహళీచిత్రితంబు.

⁠

గీ.⁠

విటవిటీజనసంధాన విహితవచన నిచయరచనానిపుణకుట్ట నీ సహాయ కరణకారణకౌలేయకంబు వేంక టాభిధానాతినీచవేశ్యాలయంబు.

⁠ 73

క.⁠

ఇటు నటుఁ గనుఁగొని లోనికి లొటలొటఁ జని మంచ మెక్కి లోలత నది త త్తటమునఁ గూర్చుండిన న క్కుటిలాత్ముఁడు కౌఁగలించుకొని యి ట్లనియెన్‌.

⁠ 74

తే.⁠

ఎంత భాగ్యంబు చేసితి మిరువురమును కాసు విడకుండ యజ్ఞంబు కలిగెఁ జంద్ర రేఖను దలఁచి నీలాద్రిఱేఁడు మిగుల మోహితుం డయ్యె భాగ్య మామోద మొదవె.

⁠ 75