పుట:పూర్వకవుల శృంగారప్రబంధములు.pdf/170

వికీసోర్స్ నుండి
ఈ పుట అచ్చుదిద్దబడ్డది


క.

అని వా రిరువు నిటువలె
ఘనఘనరవసదృశనాదగద్గదగళు లై
కినుక వివాదింపంగా
విని చింతలపాటి నీలవిభుఁ డి ట్లనియెన్‌.

56


క.

మీ రేటికి వాదించెద
రూరక యుండుండు చెలిమి యొప్పారంగా
గౌరవమున నా మది గల
యారాటము తీర్ప బాపఁ డసమర్ధుఁడుగా.

57


క.

రతిచింతచేత నిప్పుడు
మతివోయిన రీతినుండు మాకు న్సుద్దుల్‌
హితమతి చెప్పెదు పోపో
పతిచిత్త మెఱుంగలేవు బాపఁడ వయ్యున్‌.

58


వ.

అని యతనిమీద రోషసంఘటితచిత్తుం డగుట గనుం
గొని తత్సన్నిధిగలవార లేగు మనిన నతం డరిగె నంత భీమరాజుం
జూచి యేకాంతంబున నిట్లనియె.

59


క.

బాపఁ డని నేస్తుఁ డనియును
నోపిక చేసితిని గాని యొడుతును జుమ్మీ
పాపమున కోడ కి మ్మెయి
బాపన్నను భీమరాజ పటుకోపమునన్‌.

60


వ.

అనిన భీమరా జతని కిట్లనియె.

61


క.

అద నైన బంది బొడవవొ
యెదురించిన పులిని బొడవవొ యేన్గు బొడవవో
కదనమున శత్రు బొడవవొ
వదరుచు నెదురాడు నట్టి పారు బొడవవో.

62


క.

అని భీమరాజు పలికిన
విని మనమున సంతసించి వేడుకతో ని
ట్లనియెను జంద్రిని వేగం
బనుకూలము సేయకున్న హా యె ట్లోర్తున్‌.

63