పుట:పూర్వకవుల శృంగారప్రబంధములు.pdf/167

వికీసోర్స్ నుండి
ఈ పుట అచ్చుదిద్దబడ్డది


గన్నులు తేలవైచుచున్న యా నీలాద్రిమన్నుఱేనిం గనుంగొని
వినయవిసంభ్రగాంభీర్యంబులు గుంభింప గంభీరభాషంబుల మెల్ల
మెల్లన యిట్లనియె.

38


క.

పరనారీసోదరుఁడవు
పరతత్త్వవిశారదుఁడవు బహురాజసభాం
తరనుతకీర్తివి వేశ్యా
తరుణీమైథునము సేయఁ దలపం దగునే.

39


సీ.

చెఱవు చేసితివిగా చెలఁగి బాడవక్రింద
            సద్రాజు లెన్న సముద్రముగను
వనము నిల్పితివిగా వర్ణింపరాకుండ
            వీఁక నరట్ల కుప్పాక నడుమ
మాన్య మిచ్చితివిగా మహిషి మూలంబున
            శొంఠిసుబ్బయ్యకు క్షుద్రభూమి
నా కిచ్చితివి గదా నాలుగైదు వరాలు
            పేశలగతిని వర్షాశనముగ.


గీ.

వివిధసంగ్రామజయరామవిజయరామ
రాజకరుణాకటాక్షనిర్వ్యాజలబ్ధ
సకలసామ్రాజ్యఖనివి నీ వకట యొక్క
పుప్పి బోగపులంజెకై పొగులఁదగునె.

40


క.

ఇల్లును నొళ్ళును గుల్లగుఁ
బె ల్లడరెడు రాజ్యలక్ష్మి పెంపు హరించున్‌
గుల్లాపుసానిదానిన్‌
మళ్ళతని తమిఁ గోరి నీవు మఱి రతి సలుపన్‌.

41


క.

వద్దు సుమీ యిది కూడని
పద్దు సుమీ నాదు మాట పాలించితివా
ముద్దు సుమీ యా సానిది
మొద్దు సుమీ దాని దెంగు మోహం బేలా.

42