పుట:పూర్వకవుల శృంగారప్రబంధములు.pdf/164

వికీసోర్స్ నుండి
ఈ పుట అచ్చుదిద్దబడ్డది


గీ.

నకట నీలాద్రిరాజభోగానురక్తి
మాని ఈ ఘోరకాంతారమహిని బండఁ
గారణం బేమి యేరిపైఁ గాఁక పూని
తెగి యిటకు వచ్చి యిట్లు నిద్రించె దిపుడు.

20


క.

కేళీభవనాంతరపరి
కీలితమల్లీలతాంతకేవలశయ్యా
లోలుఁడ వై యుండక యీ
నేలపయిం బండ నేల నీలనృపాలా.

21


సీ.

విజయరామక్షమావిభుఁడు పిల్వఁగఁ బంచె
            రాచిరాజకుమార లేచిరమ్ము
యెఱుకువాఁ డిదె పంది నేసి మాంసము దెచ్చి
            కాచుకయున్నాఁడు లేచిరమ్ము
వేఁటకుక్కలఁ గాన్క వెట్టి పంపిరి దొరల్‌
            చూచివత్తువుగాని లేచిరమ్ము
కొత్తపారావారు కొలువంగ వచ్చిరి
            రాచయేనుఁగుగున్న లేచిరమ్ము.


గీ.

దాసి యొక్కతె నీ పొందు కాస చెంది
వాఁచియున్నది విషయింప లేచిరమ్ము
సలుపుఁ గొల్పెడి పుండ్ల బూచులకు మందు
రాచికొన నీలనృప వేగ లేచిరమ్ము.

22


వ.

అని మఱియును.


క.

కదలఁడు పలుకఁడు ధాతువు
పదకరముల నుండఁ జూచి బ్రతుకునొ లేదో
బెదరకఁ జెప్పు మ దెట్లు
న్నదొ యీతని కో ముడుంబి నరసాచార్యా.

23


తే.

అనిన నాతండు దగ్గఱ కరిగి ధాతు
గతి పరీక్షించి యితనికిఁ గామరోగ