పుట:పూర్వకవుల శృంగారప్రబంధములు.pdf/163

వికీసోర్స్ నుండి
ఈ పుట అచ్చుదిద్దబడ్డది


వ.

ఇట్లు కనుంగొని సకలపరివారంబు లతనిం జుట్టుకొని
యాక్రందనంబు సేయుచు నాశ్చర్యధుర్యమానసంబుతో ని ట్లనిరి.

16


క.

వాతము పట్టెనొ వనిఁ బెను
భూతము గొట్టెనొ మఱెట్టి పొడగుట్టెనొ? హా
హా తెలియ దేమి మాయయొ
యీతఁడు పడియున్న చంద మెంచి కనంగన్‌.

17


సీ.

బహుళద్విజద్రవ్యభక్షణోద్భవమహా
            పాతకంబున నోరు పడియె నొక్కొ?
కవిమాన్యహరణదుష్కర్మప్రభూతాతి
            కలుషంబుచే జిహ్వ పలుకదొక్కొ?
పరసతీవ్రతభంగకరణప్రభవపంక
            గతి దుర్బలాంగంబు గదలదొక్కొ?
సుజనులఁ జెడఁజూచు చూడ్కిఁ జుట్టిన కొలఁ
            గడుఁ గనుంగవ మూఁతవడియె నొక్కొ?


గీ.

నిరతనిజదాసికాజననికరములను
బలిమిమైఁ బట్టపగ లింట బట్టి మిగుల
సమరతులఁ దేలఁ బొడము దోసమున నొక్కొ?
నీలనరనాథుఁ డిట్లొంటిఁ గూలినాడు.

18


వ.

అని మహాదుఃఖావేశంబున నందఱు నిట్లనిరి.

19


సీ.

కొలువు దీర్పవ దేమి గురుతరతరుసార
            భాసురలక్ష్మీవిలాసమునను?
కూర్చుండవది యేమి ఘుమఘుమామోదగుం
            భితసుచందనకాష్ఠపీఠమునను?
తేఱి చూడవ దేమి దృఢతరలావణ్య
            గణ్యపణ్యస్త్రీనికాయములను?
పలుకరింపవ దేమి బహువేషభాషాతి
            బంధురాశ్రితబాలభాగవతుల?