పుట:పూర్వకవుల శృంగారప్రబంధములు.pdf/160

శ్రీరస్తు

చంద్రరేఖావిలాపము

తృతీయాశ్వాసము

క.⁠

శ్రీరతిసతీమనోహర చారుతరగృహాయమానశష్పావృతవి స్తారభగాన్వితచంద్రీ నీరంధ్రాశేవ్యలోల నీలనృపాలా.

⁠ 1

వ.⁠

ఆకర్ణింపుము తావకీనకథావిధానంబు యథార్థంబుగా శ్రీశివబ్రాహ్మణవర్ణాగ్రగణ్యుం డైన వీరభద్రభట్టారకేంద్రు నకు శ్రీమద్వైఖానసవంశోత్తంసం బగు నరసింహాచార్యవర్యుం డవ్వలి కథ యిట్లని చెప్పం దొడంగె.

⁠ 2

క.⁠

అంతటఁ బటఘటితగృహా భ్యంతరమహిషానుపుష్పబంధురబలవ ద్దంతయుతశయ్య నమ్మహి కాంతుఁడు లే కున్న దాసి కలు డాసి కడున్‌.

⁠ 3

క.⁠

కళవళ మందుచు మన మిటఁ గొలగొల మనుకొంచుఁ జుట్టుకొని యుండఁగఁ గో మలగతి నేడకుఁ జనెనో తెలియ దహా దైవమాయ తీ రెట్లగునో.

⁠ 4

సీ.⁠

పిక్క లూరులు కాళ్ళు పిల్లసేవకులచే             గ్రుద్దించుకొనుచుండెఁ గొంతసేపు పాటకు ల్పఱతేరఁ బాడించుకొంచును             గొల్వుదీరిచియుండెఁ గొంతసేపు

⁠