పుట:పూర్వకవుల శృంగారప్రబంధములు.pdf/151

వికీసోర్స్ నుండి
ఈ పుట అచ్చుదిద్దబడ్డది


ఉ.

పోడులమ్రోడులార కడుఁ బూచిన పీతిరితుమ్మలార బల్‌
బాడిదచెట్టులార ఫలభాగ్విషముష్టికుజంబులార యా
వేడుకకత్తె చిత్తమున వేడుక మీఱఁగ వేగిరంబు మీ
నీడకు నీడ కొక్కసరణిం బఱతెంచదుగా వచింపరే.

99


క.

బెండా మూర్కొండా యా
దొండా మీ యండ కిపుడు తోరముమీఱన్‌
దాండవ మాడుచు మేలిప
సిం డందెలచంద్రి రాదె చెచ్చెరఁ జెపుఁడా.

100


క.

నా కెదలోపల విరహము
చీకాగుగఁ జేయఁజొచ్చెఁ జెచ్చెర నిపు డో
కాకీ ఘాకీ కేకీ
పూ కీదగుమేనిసాని పొడఁ జూపరుగా.

101


క.

కృకవాకులార మాద్య
త్కృకలాపములార గవయ కిశశశశునీ
వృకజాతులార బోగపు
సకియలతలమిన్నఁ జంద్రిసానిం గనరే.

102


క.

ఉరుతాపకరణకారణ
వరతామరసాశుగములు వైచి మరుఁడు వి
స్ఫురితాంగిఁ జూపు మిపు డో
యుఱుతా మామాట సేయ నొప్పినఁ గొఱఁతా.

103


క.

పందీ నీ గాత్రసదృ
క్సౌందర్యకళావిలాసచంచన్మురజి
న్నందనమందిర యగు నా
యిందీవరపత్రనేత్రి నిటు చూపఁగదే.

104


క.

నీ తీరు గలుగు రూపము
చేతన్‌ విటకోటి నవయఁజేయుచుఁ గడఁకన్‌
బాతర లాడెడి పడుపుం
గోతిని వీక్షించినావె కోఁతీ ప్రీతిన్‌.

105