పుట:పూర్వకవుల శృంగారప్రబంధములు.pdf/136

⁠

యపశబ్దములకు రోయక సంధివిగ్రహ             ప్రాణహానివిచారపరత దక్కి భావం బెరుంగక పండితోత్తములతోఁ             గలయ నొల్లక మహాకపట మూని.

⁠

గీ.⁠

యతులఁ బోనాడి మూర్ఖసంగతి వహించి తిరుగు వెలబోటి జీవనస్థితి గణింపఁ గుకవికృతకావ్యరూపానుగుణతఁ బూని యరసి చూచిన నిస్సారమగును బిదప.

⁠ 32

క.⁠

లంజెయును బీఱకాయయు ముంజెయు బాల్యమునఁ జాల మోహము గొలుపున్‌ రంజన చెడి ముదిసిన వెను కం జూడరు ముట్టఁబోరు గద నరు లెందున్‌.

⁠ 33

చ.⁠

పలువలు చెంతఁ జేరి యొక పాతికనేబులు చేతికిచ్చి ఛీ మొలఁగల బట్టవిప్పి తగ ముందుగఁ బాన్పున నుండి వార లే పలుగుఁదనంపుఁ గూటముల బాధలు పెట్టిన నోర్చి పూనికన్‌ గులుకుచు నుండు నప్పడుపుకూటివెలంది కొలంబుపెద్దయే.

⁠ 34

సీ.⁠

పరధనాకర్షణప్రాంతంబు స్వాంతంబు             వ్యర్థమాయావచోవ్యసనరచన శఠవిటోచ్ఛిష్టాదిసదనంబు వదనంబు             పలుబొజుంగులచొంగఁ బావి మోవి పల్లనభయదకృపాణులు పాణులు             కుటిలాఘవితతులకోపు చూపు కృత్రిమగుణగణగేహంబు దేహంబు             షిద్గసంఘంబుల సెజ్జ బొజ్జ.

⁠

గీ.⁠

పంచసాయకరోగప్రపంచఘోర యాతనాదూయమానప్రయాతవిటప మదసలిలయుక్త మగు దోని మలపుయోని కనుఁగొనఁగ వేశ్య హేయభాజనము గాదె.

⁠ 35