పుట:పూర్వకవుల శృంగారప్రబంధములు.pdf/133

వికీసోర్స్ నుండి
ఈ పుట అచ్చుదిద్దబడ్డది


ఉ.

అందలము ల్శతాంగములు నశ్వచయంబులు పాలకీలునున్‌
మందరశైలరాజనిభమత్తగజంబులు వెంటనంటి రా
ముందఱఁ బొందుగా ధనము మూటలు మేటులు కాన్క లంపి నా
మందిరసీమఁ గాతు రసమాననృపాలకుమారు లెప్పుడున్‌.

14


క.

నీ కేమి చెప్పవలయును
లోకు లెఱుంగుదురు నాఁటిలో మదనుఁ డహా
నా కనుసన్నల మెలఁగును
కాకుండిన నింతసొమ్ము గడియింతు నఁటే.

15


క.

అప్పారాయని సభలో
మెప్పొందితి సాటి సానిమేళంబులలో
చెప్పినఁ బగ్గెగ నీ మది
కిప్పుడు తోఁచును, మఱెవ్వ రిచ్చట సాక్షుల్‌.

16


క.

చెలమకుఁ బిట్టలు చేరెడు
పొలుపున నా యింటిచుట్టు భోగాభిరతిన్‌
పలుగు గులాములు తురకలు
వలగొని కానుకలు గొనుచు వత్తురు సుమ్మీ.

17


క.

కట్టిన కోకలు కట్టక
పెట్టిన మణిభూషణములు పెట్టక సిరులం
దొట్టి విటకోటి కొలువఁగ
దిట్టతనంబునను గొలువు దీర్తుఁ గడంకన్‌.

18


క.

జూదంబులఁ బటువీణా
నాదంబుల దండలాస్యనటనముల మతుల్‌
భేదించి విటజనంబుల
చే దండుగఁ కొందు ధనము చెప్పఁగ నేలా.

19


సీ.

వలిప చెంగావిపావడ కటిస్థలిఁ దాల్చి
            జిలు గైన సరిగంచుచీర కట్టి
కులుకుగుబ్బలమీఁద మలయజాతము పూసి
            కట్టువాపని కంచుకంబు దొడిగి