పుట:పూర్వకవుల శృంగారప్రబంధములు.pdf/127

సీ.⁠

పరువంపుఁ బ్రాయంపుఁ దురకబిడ్డనిఁ రీతి             మట్టుమీఱఁగఁ బాగఁ జుట్టినాడు కులుకుజవ్వనపు బల్గుజరాతిపాపని             వీలుగాఁ బ్రోగులు వెట్టినాడు ఆఁడుభాగవతుని జాడగడ్డము మూతి             నున్నగా గొఱిగించుకొన్న వాఁడు డుబుడక్కకొమరుఁడు డుంక నిజారును             బుడమి జీరెడి నగ ల్దొడిగినాడు.

⁠

గీ.⁠

మడుఁగులోఁ బడ్డ మహిషంబుమాడ్కి మేన నందముగ మంచిగంద మలందినాడు భళిర యీ నీలనృపతితోఁ గలయఁ గలుగు బాలికామణిదే కదా భాగ్య మరయ.

⁠ 86

క.⁠

ఖరఘృష్ణిసదృశతేజుఁడు పరమాత్మజతుల్యరూపశాలి సుభగభా సురవదనుఁడు హరిసన్నిభ గురుతరగుణుఁ డిట్టి రాచకొమరుఁడు గలఁడే.

⁠ 87

ఆ.⁠

గుహ్యకేశతుల్యగురువైభవుండు పీ నోరుశాలి సమరభీరుఁ డుర్వి జనుల నమలుబుద్ధిఁ జనువాఁ డితనిఁ దేఱి వాసుదేవుఁ డెట్లు చేసెనొక్కొ.

⁠ 88

క.⁠

ఆ వాలుఁగన్ను లందము పీవరభుజదండములును బృథుగండములున్‌ గేవలశోభాతనుఁ డీ భూవరుఁ డర్మిలిని నాకు బొజుఁగగు నొక్కో.

⁠ 89

సీ.⁠

బూరుగు పెనుమ్రాను పొడవు, గానుఁగఱోటి             వలయదేహము, దాకవంటి నోరు పెనురసపుం బొల్లిపెదవులు, వలమైన             బుఱ్ఱముక్కును, గ్రొత్త బోడిగడ్డ

⁠