పుట:పూర్వకవుల శృంగారప్రబంధములు.pdf/122

వికీసోర్స్ నుండి
ఈ పుట అచ్చుదిద్దబడ్డది


స్థిరకారుణ్యకటాక్షలబ్ధకవితాధీయుక్తునిన్‌ జగ్గరా
డ్వరనామాంకితు నన్నుఁ జూచి పలికెన్‌ వాల్లభ్యలీలాగతిన్‌.

13


సీ.

రచియించితివి మున్ను రసికు లౌనని మెచ్చ
            సురుచిరజానకీపరిణయంబు
వచియించితివి కవివ్రాతము ల్పొగడంగ
            “ద్విపద” రాధాకృష్ణదివ్యచరిత
ముచ్చరించితివి విద్వచ్చయంబు నుతింపఁ
            జాటుప్రబంధముల్‌ శతకములును
వడి ఘటించితివి నిరువదిరెండు వర్ణనల్‌
            రాణింపఁగా సుభద్రావివాహ


గీ.

మాంధ్రలక్షణలక్ష్యంబు లరసినావు
భూరిరాజన్యసంప్రత్ప్రపూజితుఁడవు
భళిర నీ భాగ్యమహిమ చెప్పంగ దరమె
జగ్గరాజకవీంద్ర వాచాఫణీంద్ర.

14


ఉ.

అర్ణవమేఖలం గల మహాకవికోటులలోన నెంతయున్‌
బూర్ణుఁడ వీవు సత్కవిత బూఁతులరీతుల గోరుకొండగా
వర్ణనసేయనేరుతువు వాతెముఁ జుల్కఁగఁ బల్కు మూర్ఖులన్‌
దూర్ణమె తిట్టి చంపుదువు ధూర్తవు, పౌరుషశాలి వెంతయున్‌
నిర్ణయ మిత్తెఱం గెఱిఁగి నేర్పున నిన్ను బహూకరించినన్‌
స్వర్ణవిభూషణాంబరగజధ్వజచామరగోధనాశ్వదు
ర్వర్ణవిచిత్రపాత్రబహురాజ్యరమారమణీయపుత్రసం
కీర్ణసమస్తవస్తువరగేహసమంచితభోగభాగ్యముల్‌
కర్ణసమానదానము, నఖండపరాక్రమశక్తి, నిత్యదృ
క్కర్ణకులీనవాగ్విభవగౌరవ, మాశ్రితబంధురక్షణో
దీర్ణకృపారసంబును, నతిస్థిరబుద్ధి, చిరాయువున్‌, సుధా
వర్ణయశంబునున్‌ గలిగి వర్ధిలఁజేతువు జగ్గసత్కవీ.

15


వ.

అని యనేకప్రకారంబులం గొనియాడి యీడులేని వేడుకం జం
ద్రరేఖాభిధాన వారవారణరాజయాన యూరుప్రదేశంబున