పుట:పూర్వకవుల శృంగారప్రబంధములు.pdf/121

⁠

శశ మర్కటోలూక గ్రామసూకరప్రముఖ ప్రకట మృగయా విహారవిశారదుండును, మహోన్మాదుండును, సుకవినికురంబ విద్వత్కదంబవందిసందోహ వైణికశ్రేణికా మనోరధార్థ-న్యర్థీ కరణాసంహారణాకారణానిర్దయస్వాంతుండును, విగతశాంతుం డును, బహువారనారీజనాలింగన దుర్గంధబంధురభగచుంబన తాడనపీడన దంతక్షత నఖక్షత మహిష మార్జాల మర్కట కుక్కుట కృకురప్రముఖబంధనైపుణీగుణగరిష్టుండును, దుర్జన శ్రేష్టుండును, శ్రీమచ్చింతలపాటివంశపారావారఘోరజాజ్వ ల్యమానానూనశిఖాసందోహసందీప్తబడబానలుండును, చల చిత్తుండును, సంగరాంగణభీరుండును, విషయశూరుండును, నీచపాచ కాధారుండును, పరమదుర్బలదుర్భరశరీరుండును, ఆత్మీయదాస విలాసినీజనమనోధనపశ్యతోహరుండును, పతయాళుండును నగు నీలాద్రిరాజన్యపుంగవుం డొక్కనాడు.

⁠ 11

సీ.⁠

వేఁటవేఁపులు పదివేలు మచ్చికమీఱ             మూతి నాకుచు దండ మొఱుఁగుచుండ ఱొమ్ముతప్పెట లూని క్రమ్మి రసాలాలు             జోహారనుచు వేఁటసొంపు దెలుపఁ దురకనేస్తలు సురాపరిమళం బెసఁగంగఁ             జెవిచెంత మనవులఁ జెప్పుచుండ రసపొక్కు లడర వారస్త్రీలు ముంగలఁ             దాథై యటంచు నృత్యంబు సలుప.

⁠

గీ.⁠

వినయ మెసఁగంగఁ గుంటెనపనులు సేయు సేవకులు దాసికలు డాసి క్రేవ నిలువ నలరు కొప్పాక గ్రామసింహాసనమున గడఁక దళుకొత్తఁ బేరోలగమున నుండి.

⁠ 12

మ.⁠

సరసాగ్రేసరుఁ గూచిమంచికులభాస్వద్వార్థిరాకావిధున్‌ జిరకీర్తిన్‌ బహుళాంధ్రలక్షణవిదున్‌ శ్రీమజ్జగన్నాథసు

⁠