పుట:పూర్వకవుల శృంగారప్రబంధములు.pdf/100

వికీసోర్స్ నుండి
ఈ పుట అచ్చుదిద్దబడ్డది


దారపురంగు చౌకము ముదంబున గేల ధరించి చాల నొ
య్యారపులీల నాకడ బ్రియమ్మున నిల్చిన దెంతు బాలికా!


ఉ.

ఫ్రంచిబుటాహొరంగుగల బావడపై గుజరాతి హోనర్జీ
యంచు రహించుచీర చెలు వారగ మల్చవుజంటకుట్టు రా
ణించిన జంట జాల్రవిక నిగ్గులుదేఱగ నొక్కనాఁడు నా
యంచున నిల్చు నీదు సొగ సాత్మ దలంచెద హంసగామినీ!


ఉ.

గుత్తపుతాపితారవిక గుబ్బగవ ర్బలుడంబు నింపగా
ముత్తెపుమేల్సరంబు యురము న్నెఱయింపఁగ జాఫరారాపసల్
హత్తిన పావడిం దళతళన్గనునారణి చీర గుల్కగా
జిత్తజు మత్తదంతివలెఁ జేరవె నన్నును బంభరాలకా!


ఉ.

నిగ్గులు దేఱు సౌరు కుతి నీజగిపావడపైని వెల్లడాన్
సన్ననివల్వఁ గట్టి బిగిచన్నుల వెన్నెలఱైక బూని మో
మొగ్గని చాదుబొట్టు దగి యొప్పుగ ముద్దులు గుల్క నాడకన్
జగ్గమనంగ నిల్చిన పసందుఁ దలంచెద సుందరీమణీ!


ఉ.

చూపుల కింపొనర్చు నెఱ సోయగమా కడిందివేడ్కతో
దోపులుగాగ నొక్కనిశి దొమ్మిగ నిద్దర ముద్ది మీఱ పూ
దూపువజీరుసాధన లెదుర్కొని సేయగ నీవు ఫైలవా
నొప్పు లెసంగ నిన్ను బయికొన్నవగల్ మరువంగ నేర్తునే?


ఉ.

జానుబొసంగ మేన జిగి నాపొడి నల్గిడి కీనుకాబు న
ద్దానపురారు పావడ నితంబునం దగ హోన్గరీ కుసుం
బా నెఱిచల్వ మేల్ముసుగు వైచి తురష్కవధూటి పోల్కి చా
నా! నను గూడలేదె యొకనా డది నామది నాటకుండునే!


ఉ.

సంపఁగినూనె నున్మెఱుగు దాల్కొన గొప్పిడి యందు వాసనల్
నింపెడు పూవులం దురిమి నెన్నుదుటం దిలకంబు గన్నులన్
సొంపుగ గజ్జలం బెసఁగ సొమ్ములమాని శరాయిపూని నీ
వింపుగ నాదు చెంగట రహించిన దెంచెదఁ జంచలేక్షణా!