తొలిపలుకు
శ్రీమాన్ శ్రీభాష్యం అప్పలాచార్యులు గారు వ్యాకరణవిద్యాప్ర్రవీణులై. పతజ్ఞలిమహర్షి విరచిత మహాభాష్యము పస్పశాహ్నికమున కాంధ్రానువాదమును దక్షతతో సాగించియున్నారు. ఇది కేవలము మూలానువాదము గాక, కైయటోద్యోతముల సహకారసమన్వితమైన వివరణముతో సాగినది. శాస్త్రీయ విషయముల పఠన పాఠన సంప్రదాయము సడలుచున్న నేఁటిసమయమున, యాంధ్రానువాదరూపమున నిట్టి విషయములను ఆంధ్రపాఠకుల కందీయవలసిన యక్కఱ యేర్పడి యున్నది. దాని కీ యనువాదము మిక్కిలి సహకారకారి కాఁగల దని, ఆంధ్రసాహిత్యపరిషత్సక్షమున ప్రార్థింపఁగా శ్రీమాన్ ఆచార్యులవారు శ్రమకోర్చి యీ యనువాదమును సాగించి, యాంధ్రపాఠకలోకమున కందిచ్చియున్నారు. వ్యాకరణశాస్త్రస్వరూపమును, తదధ్యయన రయోజనమును నెఱుఁగఁగోరు తెలుఁగువారి కీ పస్పశాహ్నికము విశేషసహకారి కాఁగలదు. శాస్త్రీయవిషయములను దేశభాషలలోని కనువదించుట శ్రమసాధ్యమైన విషయము. అట్టి విషయమును జేపట్టి, శక్యమైనంతవఱకు సుబోధమగు పద్ధతిని అనువాదము సాగించి లోకమున కందిచ్చిన యీపస్పశాహ్నికము ఆంధ్రపాఠకలోకమునకు విశేషోపకారి కాఁగలదని యాశించుచున్నాఁడను.
ఇట్లు,
చిలుకూరి పాపయ్యశాస్త్రి,
సంపాదఁకుడు,
ఆంధ్రసాహిత్యపరిషత్ప్ర్పతిక
