పుట:పద్మపురాణము (మడికి సింగన).pdf/290

258

పద్మపురాణము

క.⁠

ఇవ్విధమున ద్వాదశియం దెవ్వఁడు పూజించు నతని కీప్సితఫలముల్ నివ్వటిల నిచ్చు నెప్పుడు నవ్విష్ణుఁడు కమలఁ గూడి యనవరతంబున్.

⁠ 152

పాషండస్వరూపనిరూపణము :

వ.⁠

అని యివ్విధంబున ద్వాదశీవ్రతమహత్వంబు చెప్పి శంకరుం డద్రిజం గనుంగొని యింక నేమి విన నిష్టం [1]బడుగు మనిన నమ్మహాదేవి యిట్లనియె.

⁠ 153

క.⁠

మును పాషండులఁ జూడం జనదని చెప్పితిరి వారి చందం బెట్లే యనువున నే [2]చిహ్నంబుల తనువుల గలవారు వారిఁ దగఁ జెప్పు శివా!

⁠ 154

వ.⁠

అని యడిగిన ఫాలలోచనుం డిట్లనియె.

⁠ 155

సీ.⁠

హరికంటె నొకదైవ మన్యంబు గలదను        వారలు హరిభక్తిదూరమతులు బహుళకపాలాస్థిభస్మ[3]లింగాంకులు        వైదికవిరహితవర్తనులును ఘనవనప్రస్థితు ల్గాక జటావల్క        ధారులై చరియించు తాపసులును బొరిఁ జక్రశంఖోర్ధ్వపుండ్రాంకములు లేక        హరికథావిముఖాత్ము లైనవారు

⁠

తే.⁠

దైవముల విష్ణుసరి గాఁగఁ దలఁచువారు విష్ణుధర్మంబు గాదని విడుచువారు నఖిలధర్మంబులును హరియందుఁ జేర్ప కుండువారలుఁ జువ్వె పాషండు లగజ!

⁠ 156

1. బయ్యెడి నడుగు మనిన (హై)
2. చిహ్నంబులు, తనువున గలవారు వారిదయ జెప్పు శివా (తి-హై)
3. లింగాంగులు (తి-హై)