పుట:పద్మపురాణము (మడికి సింగన).pdf/236

204

పద్మపురాణము

ఆ.⁠

సకలభూతములును జలజజుండును హరి దాసవర్గ మగుటఁ దలఁచి మంత్ర మధిగమింపవలయు నమ్మంత్రతాత్పర్య మెఱుఁగ కభ్యసింప నేమిసిద్ధి.

⁠ 108

వ.⁠

అని చెప్పిన గిరీశునకు గిరిజ యిట్లనియె.

⁠ 109

మ.⁠

హరిమంత్రంబును దత్ప్రభావమును నే నాద్యంతము న్వింటి నిం క రమాధీశుమహావిభూతులును [1]నాకారంబుఁ దద్వ్యూహముల్ పరమంబైన గుణంబులుం బరమ[2]ధామంబు ల్సమస్తంబు వి స్తర[3]వాక్యంబుల నానతిమ్ము వరదా! చంద్రార్ధచూడామణీ!

⁠ 110

క.⁠

అన విని శంకరుఁ డిట్లను విను నీ వడిగినవిధంబు విశ్వాత్ముని భూ తినిరూఢి నెల్ల నా యెఱిఁ గినగతి నెఱిఁగింతు నీకు గిరివరతనయా!

⁠ 111

ఆ.⁠

పరమపురుషుఁ డనఁగఁబడు నెవ్వఁ డతఁడు నా రాయణుండు విష్ణుఁ డఖిలజగద ధీశ్వరుండు పరమశాశ్వతుండు [4]వరుండు విశ్వవిభుఁడు నాఁగ వెలయుచుండు.

⁠ 112

సీ.⁠

విశ్వస్వరూపియై వేయికన్నులు వేయి       పాదంబులును గల్గి ప్రబలువాఁడు భువనసంఘములకు బుధమానసములకుఁ       దనమేను నిలుకడై తనరువాఁడు పొడవుల కెల్లను పొడవు నడ్డంబునై       యవ్యయంబగు రూపమైనవాఁడు దివ్యమంగళమూర్తిఁ దివిరి శ్రీదేవికి       నఖిలభోగాశ్రయమైనవాఁడు

⁠

1. సాకారంబు (ము)
2. ధర్మంబు (ము)
3. నాక్యంబున (ము)
4. జరుండు (ము)