పుట:పంచతంత్రము (బైచరాజు వేంకటనాథుడు).pdf/168

వికీసోర్స్ నుండి
ఈ పుట అచ్చుదిద్దబడ్డది


బొరలెడుఁ దేర్పుపుణ్య మిదిపో యధరామృత మిచ్చి యిందునం
దరసిన గల్గునే పరహితాచరణప్రతిమానధర్మముల్.

198


క.

నవలా తావకమోహా, ర్ణవ మేమిట గడతు దుస్తరము వివరింపన్
భవదీయస్తనకుంభ, ప్లవ మబ్బిన గాక యీవిపత్సమయమునన్.

199


క.

ఆనిద్రాసుఖితంబులు, గానేరవు లోచనములు కంఠద్వయసం
బై నీలావణ్యరసం, బో ననిలా త్రేన్పు వెడలకుండుటవలనన్.

200


క.

హారవిలాసము గలని, న్నారసి చీకాకుపఱుప కతెనుఁడు ముక్తా
హారవిశేషము గలన, న్నీరసమున గాసివేయు టీ వెఱుఁగవొకో.

201


క.

గౌడరుచి న్రుచినం బనఁ, గూడదు నీయధరము ధరకుచచించైకా
మ్రేడితము కానిచో నే, లా దాపునఁ జూచువారలకు నోరూరున్.

202


క.

ఇన్నియును జెప్స నేటికిఁ, బన్నినమరుగాసివాసిఁ బాసితి నో రా
కన్నియ వన్నియ మెఱయం, గన్నెఱికపుభిక్ష నాకుఁ గరుణింపఁగదే.

203


క.

అని దీనాననుఁడై మో, డ్చినకరములతోడఁ బ్రియముఁ జేకొమ్మనుచుం
దనుఁ బ్రార్థించుధరాసురుఁ, గనుఁగొని రాజన్యకన్యకామణి పలికెన్.

204


క.

గురుఁ డనఁగఁ దండ్రి యఘసం, హరణగుణా శిష్యురాల నైనప్పుడె కూఁ
తుర మేర దప్పి కామా, తురబుద్ధిం గోర్కి సేయుదుర నాచోటన్.

205


మ.

నరకద్వారకవాటభేది యవమానప్రాప్తిమూలంబు దుః
ఖరుజాపథ్యము పుణ్యలోకగమనఘ్నం బస్ఖలత్కీర్తి సా
గరమంథాద్రి జనాపవాదహుతభుక్కాష్ఠంబు సత్కారసం
హరణోజ్జృంభము గీడుగాదె పరభామాసంగ మెవ్వానికిన్.

206


ఆ.

నీతి సాధువృత్తి నీయది ధరణీసు, రుఁడవు వేదపారగుఁడవు ధర్మ
తరులతాపరశ్వధము చెల్లఁబో యిట్టి, నీచచిత్త మెట్లు నీకుఁ గలిగె.

207


తే.

ఏను రాజన్యకన్యక నితరజాతి, భామగా నెట్లు పొసఁగు నీపాపవృత్తి
భూసురుఁడవైన యిది నీకు బుద్ధిగాదు, బ్రాహ్మ్యహాని తపోహాని ప్రాణహాని.

208


వ.

అని యనేకప్రకారంబుల బోధించుచున్న యన్నీలవేణికి బ్రాహ్మణుం డిట్లనియె.

209


ఆ.

నీవు మాటలాడనేర్తువు గురుఁ డేల, చెప్పుకొను విరాళి శిష్యురాలిఁ
గవయరాదు ప్రాణికల్పన నేర్చిన, పలువనలువ గూతుఁ బట్టికొనఁడె.

210


క.

మరుబారిఁ బాఱి చంద్రుఁడు, గురుభామం బ్రేమఁ బిలుచుకొని వినుతబుధుల్
పరిణతముని విబుధుబుధుం, గరిగమనాగమనలీలఁ గాంచుట వినవే.

211


క.

గౌతమభార్య నహల్యన్, శాతోదరి బదరి పర్ణశాలం గాలా
తీత మొనర్చియుఁ గూడిన, యాతని కింద్రునకు నేమి యయ్యెం జెపుమా.

212