పుట:పంచతంత్రము (బైచరాజు వేంకటనాథుడు).pdf/166

వికీసోర్స్ నుండి
ఈ పుట అచ్చుదిద్దబడ్డది


క.

స్మరమృగయు విశిఖబాధా, పరవశ యయి యున్నదానిఁ బద్మిని గాఢ
త్వరఁబరుషనీతి రుచిమ, త్కిరణనఖాగ్రములఁ జంధ్రకేసరి నొంచెన్.

180


క.

యువతికిఁ బ్రాణంబయ్యుం, బవతుగతిం బ్రోఁదిసేసె మలయక్షితిభృ
త్పవమానుఁడు దూరితరై, పవమానుఁడు మోహదానపావకశిఖలన్.

181


వ.

ఇట్లు మారతావేశకుమారసమీరబాధావిధురయై యమ్మధురభాషిణి శోషిల్లునుల్లం
బున నొల్లంబోయి నెచ్చెలులఁ గలయ నాలోకించి.

182


సీ.

కనలుచుక్కలరాజుకంటఁ బుట్టిన నేమి గాడ్పుపేరెమువాఱుఁ గాక యేమి
కంతుఁ డాకృతిఁ బెంచుఁగాక యేమి కంజాతకళితుఁడై మధు వుండుఁగాక యేమి
హంస మాపగవారికై పోవుఁగా కేమి గండుతుమ్మెద మ్రోయుఁగాక యేమి
చిలుకవాదులకు వచ్చినవచ్చుఁగా కేమి కలకంఠి గలహించుఁగాక యేమి


తే.

కమ్మచిగురాకుచే మించుఁగాక యేమి, కళిక లంతంత మొనఁజూపుఁగాక యేమి
వెఱపు నాకేల వెన్నెలవెల్లి ద్రెళ్ళి, ప్రాణసఖులార వలపంతఁ బాయుదాన.

183


క.

అని మోముదమ్మి వాద, న్మనసిజఃశిఖిమండ సకలమర్మస్థలముల్
దనువూటాడం గన్నియ, పెనుదెగువ న్గుబ్బతిలిన భీతిలి రతివల్.

184


క.

కామాస్త్రములకు నాళీ, గ్రామణి వైషమ్య మొదవుఁగా కెప్పటికిన్
సోమకుమారీమణి యీ, కౌముది దా నె ట్లసౌమ్యగా నేర్చునొకో.

185


వ.

అని జననాథకన్య నాలోకించి.

186


సీ.

దరహాసలేశధిక్కరణ మున్నదియె నీవంకవెన్నెల కేల వహ్ని గురియ
గినిసిమాటలు నేరవనుచు శిక్షించితే చిలుక కేటికి వళావళి యొనర్ప
బ్రతిపక్షి యని తిరస్కృతిఁ జేసితే సాధుపికమున కేల వాబిఱుసుఁ జూపఁ
జూడఁబోలనిచూపుఁ జూచితే చంచరీకమునకు నేల ఛిద్రములు వెదక


తే.

గోచరింపక యొకమూలఁ గూలి చనక, మందత వహింప కిట్లు త్రిమ్మరఁగ నేటి
కని యుదాసీనుఁ జేసితో యభ్రవేణి, యనిలశిశు వేల వీచివాటయ్యె నిపుడు.

187


సీ.

మనసుగన్న రమాకుమారికాసుతునకుఁ బూర్వాశ్రితుం డైనపూర్ణశశికి
జీవమువంటి దక్షిణసమీరమునకుఁ బేరైనకుసుమాస్త్రబృందమునకుఁ
బలుకుమారనిముద్దుచిలుకకు నెయ్యంపుఁబైకమై దీపించుఁ బరభృతాళి
కతులాళియయిన గయ్యాళితేఁటికి బెట్టుచెట్టైన లేఁబ్రోఁదిచిగురుమావి


తే.

కకట భయమందవలసె హా యనఁగవలసె, బెగడుపడియుండవలసె గంపింపవలసె
నాతురతఁ గూరవలసె బిట్టలయవలసె, జలదరింపఁగవలసె వే జడియవలసె.

188


ఉ.

చేరునమావికెంజివురు చేతికి లోనుగదమ్మ పద్మకాం
తారమరాళిమానసము నమ్మిన దింతెగదమ్మ కంతుబ