పుట:పంచతంత్రము (బైచరాజు వేంకటనాథుడు).pdf/162

వికీసోర్స్ నుండి
ఈ పుట అచ్చుదిద్దబడ్డది


దొరల జలంబుఁ జల్లె నది దోయిట వక్త్రముఁ గప్పె రోహిణీ
చిరవిరహార్తి నొందినశశిం జిగురాకులఁ దార్చుచాడ్పునన్.

147


ఉ.

చే నొకబోటి కెంజివురుఁ జిమ్మనగ్రోవి యొనర్చి తమ్మిపూఁ
దేనియఁ బీల్చి సోగవిరిదిండుగ నొండొకకొమ్మ జిమ్మ పె
మ్మే ననుకైన నమ్మెలఁత మించె జగంబులు గెల్చి శాంతిరే
ఖానియతి న్మరుండు గడుగం గడుఁగ్రాలు మెఱుంగువాలనన్.

148


చ.

పొలఁతుకయోర్తు గెంజివురు బుఱ్ఱటకొమ్మన స్రుక్క నొక్కనె
చ్చెలి చలి వీడివైవ నది చిత్తజుఁ డేడ్తెఱఁ జూచి వైచుకే
వలకరవాలసంహతులవైఖరి గానఁబడంగ దానికే
వలకరవాలసంహతుల వంచి వికావిక నవ్వెఁ గ్రొవ్వునన్.

149


చ.

విరహులమారుమారుఘనవీరబలం బని పాంథకంధర
ల్దఱుగురమాకుమారు వడిదాలనిరాగవియోగజాతకా
తరగుణదాతృమన్మథపతాకనితేంట్ల నదల్చి కమ్మదా
మరలఁ గదల్చి వారిచరమండలిసొంపు వదల్చి రంగనల్.

150


చ.

గతి యతివేలరాగకరిగా నెఱిగాంచినవాలువాలముల్
ప్రతిరహితాంఘ్రులం బెనఁగఁ బైపస ముద్దులు గుల్క సమ్మద
స్థితి మితిమీఱఁ గొమ్ములను జేతులు పుష్కరలక్ష్మి దెల్పఁగా
హితసరసిం జయించి రలయింతులు కంతునిదంతులో యనన్.

151


ఉ.

కొమ్ములతోడిహస్తములు గుత్తపుముద్దెలముద్దుగుల్కుపొం
దమ్ము లనంగవృత్తజఘనద్వయసాంబుల నిల్వ రేఁగి పైఁ
దుమ్మెద లాడఁజూడ నవదోహదధూమమిళల్లతావితా
నమ్ములజాడఁ గుందరదన ల్గనరైరి మనోహరాకృతిన్.

152


ఆ.

ప్రసవభాగ్యమహిమఁ బ్రబలియు నెటువంటి, ముసిమియో యెఱుంగ విసువులేక
తారసించి ముద్దుతమ్ములఁ జివురాకు, బోండ్లు కొలను సొచ్చి పుచ్చుకొనిరి.

153


క.

నాళీకజైత్రనేత్రలు, హాళిం గేళీసరోవిహారశ్రీలం
దేలి కటీఘటితపటీ, జాలములు కలాపవేషసంగతు లమరన్.

154


ఉ.

మందమరుత్కిశోరహతి మువ్వపుఁదేనెలజాలువారుపూ
బందిలిక్రిందఁ గప్పురపుఁబల్కుల దిద్దినగద్దె నిందిరా
నందను నిల్పి వృత్తజఘన ల్రతివర్ణితభారతిం దదా
ళిందమునం ఘటించి కదళీదళగర్భలతాంతసంతతుల్.

155