పుట:పంచతంత్రము (బైచరాజు వేంకటనాథుడు).pdf/154

వికీసోర్స్ నుండి
ఈ పుట అచ్చుదిద్దబడ్డది


క.

నగచరుఁ డది విని నెఱఁబం, డ్లిగిలిచి వడవడ వడంకి యెదపడి చెడితిన్
దెగితిఁ గడచనితిఁ బొలిసితిఁ, బొగరువ నిట్లయితి మోసపోయితి ననియెన్.

76


క.

దారుణగహనంబున నా, హా రోఁతలఁ బెట్టు ముదిమి నసురుసురై కా
మారంభం బుడుగని యల, ఘోరాఘఫలంబు గట్టి కుడిపెడు నన్నున్.

77


క.

భీమాటవిలో నున్నం, గామాంధుని బొదవుబాతకంబులు రాజ
గ్రామముననున్న దూరిత, కాముని గల్మషము లంటఁగా శంకించున్.

78


క.

చిరకాల మరిగె సురిగెం, దరుణిమ యిక నేడ గామతంత్రం బనుచున్
బరలోకచింత సేయని, పురుషాధముఁ జేటుపాటు పొందదె యనుచున్.

79


చ.

క్రకచుని చూచి వానరశిఖామణి యిట్లను నీవిచార మే
టికిఁ జెడిపోయె నేమిటికి డిందె భవన్మతిప్రాణమైన భా
ర్యకు రుజ మాన్పఁ గీశహృదయంబునకుం జనుదెంచువాఁడ వీ
వకట యెఱుంగిఁ జెప్పవలదా మును గల్గగ నాకు నింతయున్.

80


ఉ.

చెప్పిన నాయుదుంబరపుఁజెట్టున నెప్పుడు దాచియుందు నొ
క్కప్పుడు మామకీనహృదయంబు సమర్పణఁ జేసి పుత్తు నీ
చొప్పున నింత దాచెదరె చుట్టమఁ గానె విరోధినే వృథా
త్రిప్పట జేసి తింకొరులు దెత్తురె ని న్గడవం బ్రతిక్రియల్.

81


క.

హృదయము దరువున నున్నది, గద నాకాయమున లేదుగద మునుగా నా
కిది చెప్పక పనిచెఱిచితి, గద రిపుఁడవు గాని చెలివి గా వంగనకున్.

82


సీ.

ధర్మార్థకామచింతకులకు భూదేవధారుణీవరవధూదర్శనములఁ
జనరాదు రిక్తహస్తములను గామ్యార్ధి వగునీకు మున్నుపాయనము వలయు
హృదయంబు మేడి నున్నది పోకమరలు నిర్ముండితారినికాయ గుండెకాయ
చేయార నీకు నిచ్చెదఁ బుచ్చుకొని చేరి జాయ నిరామయఁ జేయవయ్య


తే.

యనుచు బహుమానుఁ డాడుమాయామయోక్తు, లాగమోక్తులుగా నప్పు డాత్మఁ దలఁచి
తిరిగి యాశింశుమారుఁ డేతేరఁ దీర, వృక్ష మెగఁబ్రాఁకి కపి వాని వెక్కిరించె.

83


క.

కసినుస నాఁకట ఫలము, ల్మెసవుచు జలి విడిచి మేడిమీఁద న్మోదం
బెసఁగ నటియించువానరు, మసలక వీక్షించుశింశుమారుఁ డనియెన్.

84


చ.

కుజమున నున్నవానరునిగుండియ దండియశంబు నీకుఁగా
భుజబలసార యిమ్ము కొనిపోయెద నాయెద దీఱ మత్ప్రియా
రుజ కనఁ బల్కెఁ గాననచరుండు దురాత్మ విచారమూఢ యే