పుట:పంచతంత్రము (బైచరాజు వేంకటనాథుడు).pdf/147

వికీసోర్స్ నుండి
ఈ పుట అచ్చుదిద్దబడ్డది

శ్రీరస్తు

పంచతంత్రము

చతుర్థాశ్వాసము



సత్యాలోకనజని
తాసమశరకరణసంభ్రమాధికనరక
త్రాసవిధిప్రౌఢరణా
భ్యాసభుజార్గళసనాథ హరిహరనాథా.

1


వ.

దేవా లబ్ధనాశనాభిధానచతుర్ధతంత్ర మాకర్ణింపు మధీతనీతిశాస్త్రమర్ముం డవ్విష్ణు
శర్ముండు సుదర్శనకుమారుల కిట్లనియె.

2


క.

పరకపటాలాపపరం, పర కేర్పడ భ్రమసి విడుచు ప్రాప్తార్థముగా
పురుషుఁడు విడువఁడె మును సా, గరమునఁ గపిశింశుమారకము దుష్ఫణితిన్.

3


క.

నావిని రాజకుమారకు, లావిప్రవతంసుఁ బలికి రది యెట్లు వయ
ప్రావీణ్యా యాకథ జెపు, మా వినియెద మనిన వారి కతఁ డిట్లనియెన్.

4


సీ.

నీరదపథికపానీయనికేతంబు మేదినీయువతికటీదుకూల
మంబరచనవరాభ్యవహారసత్రంబు సరిదలంకృతికార్యకరణశాలి
కార్పణ్యభయదవీక్షణవధూజనికర్త రాక్షసజిద్విహారస్థలంబు
మునిరోషనష్టనాకనిసర్గశుభదాయి నిస్తులరత్నపూర్ణితకరంక


తే.

ముగ్రశతధారధారాసమగ్రభీతి, పరవశాగత బహుకుభృద్భరణనిపుణ
మతనుసత్వ మలక్షితౌర్వానలంబు, వఱలు దక్షిణశరధి సర్వజ్ఞశరధి.

5


సీ.

ఇమ్మహాగాంభీర్య మెవ్వని కొదవు నీవాహినీభరణ మెవ్వనికిఁ గలుగు
నీగోత్రరక్షణ మెవ్వని కబ్బు, నీయనిమిషావాప్తి యెవ్వరికి దొరకు
నీసత్యసౌభాగ్య మెవ్వని కెసఁగు నీఘనహితాచరణ మెవ్వనికి నొదగు
నీగాఢజీవన మెవ్వని కుండు నీకనకరత్నోర్ము లెవ్వనికి వశము


తే.

నీలలితరాజసన్మాన మెవ్వనికి లభించు నెవ్వని కిట్టియొప్పిదము నిత్య
మాతనికె కాక యని లోకు లభినుతింపఁ, గ్రాలు నిర్భరవిభుఁ దాపగావిభుండు.

6