పుట:పంచతంత్రము (బైచరాజు వేంకటనాథుడు).pdf/136

వికీసోర్స్ నుండి
ఈ పుట అచ్చుదిద్దబడ్డది


జేతికిఁ గలవాసి సుమీ, కాతాళముగాదు నీకు ఘనుఁ డాతనికిన్.

281


ఉ.

ఒండన నేల నామగనియొద్ద రమించుట యింద్రభోగమై
యుండునయో యనుంగువిభుఁ డూరికిఁ బోవుటెఱింగి యొంటి ని
ట్లుండఁగ వచ్చి పట్టికొని యోరిదురాత్మక సిగ్గులుగొంటి వీ
వెండయుఁబోలె వేఁడి ఘటియింపదె నా కిటువంటికూరిమిన్.

282


ఉ.

రాచపను ల్వహించి నలరాచకుమారునివంటిదేవుఁ డ
య్యో చని కాళ్ళతో నరిగె నూరికి నెప్పుడు వచ్చువాఁడు లే
లే చవిగావు కండ్లు పెకలింపుచు నున్నవి ప్రాణవల్లభుం
జూచినదాఁక యెట్లు నిలుచుం దను వెట్లు సహించియుండుదున్.

283


శా.

కాయం బెక్కడ నుండెనేమి వనితాకందర్పుఁ బ్రాణేశ్వరుం
బాయంజాలవు ప్రాణము ల్మనసురుబ్బాఱూళ్ళుగాఁ జేయుటన్
డాయ న్వచ్చుఁగదా పయోధరము లంటం గౌఁగిటం జేర్చి యా
చాయం బైకొని చెక్కి నొక్కురతిరాజ్యశ్రీలఁ దేలింపుదున్.

284


చ.

అగునగు బైసిమాలిచితినంచు విజృంహణవృత్తి నివ్విధి
న్సొగయనిమాటలం జెవులు సూడకు సైఁచినదానఁ గాను నా
మగనికి నిన్నువంటికొఱమాలినమానుసు లీడె [1]భర్తతోఁ
దెగి యెడద్రెవ్వకం బ్రదికితే మని యైదువనై సుఖించెదన్.

285


చ.

అనుతనుమధ్యభాషితము లారథకుడు సాదరంబుగా
విని యిది నాయెడం బ్రణయవిశ్రుతయా నటుగాకయుండినన్
నను ననుకూలుఁడంచు నుపనాథునితోడ శతాననంబుల
న్వినుతి యొనర్చునే పరిభవింపక చంపక కాతు మెచ్చితిన్.

286


ఉ.

ఏను బ్రవాసినౌ టెఱిఁగి యింతట నంతట నాకుమా ఱెవ
ర్లేని దెఱింగి కన్గొని చలింపక వీఁ డిలుసొచ్చి యుద్ధతం
డై నిలుపోవలేక కదియంబడెఁ గూఁతలు రోఁతలంచు ల
జ్జానిధిగాన మెత్తఁబడి సాధ్వి రతిస్థితి నూరకుండెడున్.

287


ఉ.

చిక్కితి వీనిచేత రొదసేయుట సిగ్గులచేటు పొందులం
జొక్కక వేగ నిల్వెడలఁ జూడఁడు ముచ్చటఁ దీర్పకున్న వీఁ
డుక్కున నేమిసేయునొ భయోదయ మయ్యెడునంచు నోడి యీ
చక్కెరముద్దుగుమ్మ సరసప్రియభాషల నింపొనర్చెడున్.

288
  1. భర్తకుం దెగి యెడద్రెవ్వినం బ్రదుకదే యని పాఠాంతరము.