పుట:నృసింహపురాణము.pdf/77

వికీసోర్స్ నుండి
ఈ పుట అచ్చుదిద్దబడ్డది

78

నృసింహపురాణము


వ.

అని యాజ్ఞాపించిన నజ్ఞానదూషికులగు నద్దోషకారు లక్కుమారుఁ గ్రూరకుటిలభుజం
గపాశబద్ధుం జేసి కొనిపోయి మున్నీట వైచిన.

174


క.

ఘనభుజగశతఫణావృత, తనుఁ డై బాలుఁడు పయోధితరఁగలమీఁదన్
బెనుబాఁపసజ్జఁ బసడిం, చినవెన్నునిపాటి యగుచుఁ జెన్నెసలారెన్.

175


ఉ.

అంత నిరంతరోర్ములు దిగంతము లందుచు మ్రోతకుం జనం
బెంతయు భ్రాంతిఁ బొందఁ దెత లెత్తి కుమారునిపీడ సైఁప క
త్యంతరయంబునం బుడమియంతయు ముంచు ననంగఁ బొంగెఁ గ
ల్పాంతమునాఁడు నిట్ల యనునట్లు సరత్పతి భీకరాకృతిన్.

176


వ.

అట్టియద్భుతప్రకారంబుఁ గనుంగొని యసురేశ్వరుం డసురుల నందఱ రావించి
యిట్లనియె.

177


సీ.

అలఁగులఁ బొడిపించి యహికోటిఁ గఱపించి కరులచేఁ ద్రొక్కించి కనలుటగ్నిఁ
ద్రోయించి విషమున దోఁగినయన్నంబుఁ బెట్టించి కృత్య కొప్పించి పాడువు
నందుండి వెసఁ దలక్రిందుగాఁ గెడయించి క్రూరంపుమాయల కొంకులందుఁ
దవిలించి పవనుచే నివురించి యప్పుడు నీమహాంభోధిలో నిట్టు వైచి


ఆ.

యెట్టుఁ జాల మైతి మీఖలు మర్దింప, దాయ యింక మనకుఁ దాన చిక్కె
మాడుకొనఁగ వైవు డుర్వీధ్రములు నవి, మీఁద మెలఁగకుండ మిడుగకుండ.

178


శా.

చావం డొండొకవెంట నేమిట మదిన్ జర్చించి యే నెప్పుడుం
భావం బేర్పడఁ గంటి నిట్టు లొనరింపన్ గ్రొవ్వు పెంపాఱడిం
బోవం బెద్దయుఁ గాలముండినవియుం బుత్రాకృతిన్ శత్రుఁడై
తా వేభంగుల నన్ను నేచుఁ దగ దీదర్పాంధు సైరింపఁగన్.

179


చ.

అనవుడు దానవేశ్వరునియానతి నష్టసహస్రసంఖ్య ల
ద్దనుజులు పేర్చి యార్చుచు నుదగ్రనగంబులు దెచ్చి తెచ్చి యో
జనములు పెక్కువేలయెడసాలగఁ బ్రబ్బిన బిట్టు వైచిరా
ఘనతరమూర్తిమీఁదఁ దదకంపితలీలకుఁ జోద్య మందుచున్.

180


ఉ.

వీఁపున నబ్ధి నొక్కపృథివీధరమున్ దగఁ దాల్చె నంచు ల
క్ష్మీపతిపేర్మి చాలఁ గడుఁ జిట్టలుగా శ్రుతు లుగ్గడించు నీ
రూపునఁ గోటిసంఖ్యలగరుల్ ధరియించినవిష్ణుదాసు పెం
పేపగిది న్నుతించునొకొ యింకని వెక్కస మందె లోకముల్.

181


ఉ.

పిండలిపండుగాఁ గలఁగెఁ బెల్లుగ నంబుధు లెల్ల మేదినీ
మండలి దిద్దిరందిరిగె మ్రగ్గె దిశాకరిసంచయంబు మా
ర్తాండుఁడు మాసె విశ్వమును దామరపాకుననీరువోలె నొం
డొండ చరించె నయ్యనఘుఁ డున్ననితాంతనిరోధభంగికిన్.

182