పుట:నృసింహపురాణము.pdf/68

వికీసోర్స్ నుండి
ఈ పుట అచ్చుదిద్దబడ్డది

చతుర్థాశ్వాసము

69


గ్గలముగ సర్వభూతదయ గాదిలి గావలయు జుఁడీ విని
శ్చలసమబుద్ధి యి ట్లొదవ సర్వవిపద్దళనంబు దా నగున్.

79


గీ.

అరయఁ దాపత్రయీహితం బఖిలజగము, నిట్లు పుట్టినఁ గొదవల నెరియుచున్న
జీవులకు నొక్కకీడును సేయఁదగునె, చనదె దుఃఖశీలురదెసఁ గనికరంబు.

80


చ.

తన కరయంగ వేఱొకటి తక్కువజంతువు గల్గె నేనిఁ ద
త్తనువున కెగ్గు సేయమి గదా తగు నన్యశరర మెక్కు డై
యనయము దానహీనుఁ డగునట్టిద యైనను మేలె వైర మే
యనుపున భూతమైత్రియ యపాయము లేనియుపాయ మాత్మకున్.

81


క.

వైరంబున భూతంబులఁ, గారించుదురాత్ము మాఱు గావించుఁ గడున్
వైరంబున భూతంబులు, ధీరుల కిది తెలియుఁ గుమతి తెలియం డెపుడున్.

82


గీ.

మనమునను దుస్స్వభావసంజనిత యైన, ఖేదబుద్ధి దొఱంగి యఖిన్నుఁ డైన
విష్ణు నఖిలభావములందు వెదకి కాంచి, యనఘులార పొందుద మనయము సుఖంబు.

83


సీ.

అనలునిచేఁ గాల దర్కునిచేఁ గ్రాఁగద మృతాంశుచేత శైత్యమునఁ బడదు
పపనుచే నివురదు పర్జన్యవరుణులచే వృద్ధి పొందదు సిద్ధయక్ష
గరుడోరగామరగంధర్వకిన్నరనరమృగాదులచేత నాశవృద్ధు
లొందదు గుల్మమహోదరాదికరోగతతిచేత సుడియదు దంభలోభ


గీ.

మత్సరాదుల నలయదు మహిమమహిత, మేపదంబు మహాయోగిహృదయగమ్య
మట్టియానందతత్త్వంబు ననుభవించు, హరసమర్పితమానసుం డగుబుధుండు.

84


వ.

అని యనేకప్రకారంబుల వివరింపుచుండ విని తమమనంబులం దలంచి దైత్యబా
లురు దైత్యుపాలికిం జని యవ్విధం బంతయుఁ జెప్పిన నలిగి యతండు.

85


ఆ.

తాను చెడుట గాక తక్కినవారిని, జెఱుపఁ జూచె నౌర గొఱకుఁ బడుచు
వీని నెట్ల యైన విసువక పొలియింప, వలయు నేమి వెరవు గలదొ యింక.

86


వ.

అని తలంచి వంటలవారిం బిలిచి దుర్మార్గదర్శనుండును దురాత్ముండును నగుప్రహ్లాదుం
డు మత్పుత్రుం డని యనుమానింపక మీరు రహస్యయత్నంబున వీనికి భక్ష్యభో
జ్యాదుల ముందు హాలాహాలాభిధానం బగుమహావిషంబుఁ బ్రయోగింపుఁ డని పనిచి
నం జని వారును బ్రభుశాసనంబుఁ జేసిన.

87


చ.

అమృతు ననంతు నచ్యుతుని నాత్మఁ దిరంబుగ నున్చి నిత్యబో
ధమునఁ గరంగునప్పరమధార్మికుఁ డింపుగ నారగించు న
య్యమితహలాహలాద్భుతవిషానలసంచయభక్షణంబునం
దమృతముకంటెఁ బ్రీతికర మయ్యెఁ దదంతరబాహ్యచేష్టలన్.

88


క.

విషమచరితుండు బాలుఁడు, విషాహరణమునను జాల వెలుఁ గొందె మహా
విషనిధిజనితవిశృంఖల, విషానలము మ్రింగి పొంగు విషమాక్షుక్రియన్.

89