పుట:నృసింహపురాణము.pdf/40

శ్రీరస్తు

తృతీయాశ్వాసము

⁠

శ్రీమద్గరుగరుడాచల ధామ సుధాధామతీవ్రధానుసహస్రో ద్దామద్యుతి తేజోనిధి సీమ శ్రీమహితదేహ శ్రీనరసింహా.

⁠ 1

వ.⁠

దేవా రోమహర్షణుండు మహర్షుల కిట్లనియె. నంత బృహస్పతిమతంబు తమకు నభి మతంబుగా నేకమతంబున నమృతాశనులు నముచితాశను మున్నిడుకొని యప్ప్రొద్దు కదలి యుత్తరాభిముఖులై చని.

⁠ 2

మహాస్రగ్ధర.⁠

కని రుగ్రగ్రాహవక్రగ్రహణఘుమఘుమాకారకల్లోలడోలా స్వసనప్రద్యోతకేళీసరభసఫణభృచ్చారుజూటాగ్రజాగ్ర ద్ఘనరత్నోదంచితోద్యత్కటకుటిలమయూఖచ్ఛటాటోపమిథ్యా జనితౌర్వారంభశుంభత్సలిలనివహనిస్తంద్రు రత్నాకరేంద్రున్.

⁠ 3

వ.⁠

కని తదీయమహామహిమకు నంతరంగంబులఁ గౌతూహలాద్భుతానందంబులు సంద డింప నందఱుఁ దమలో నిట్లనిరి.

⁠ 4

సీ.⁠

కల్పాంతవేళ భీకరసూకరాకృతిఁ దనరి విచ్చలవిడిఁ దఱసియాడె నఖిలంబు మ్రింగి మాయాశిశుమూర్తియై లీలమైఁ దనయిచ్చఁ దేలియాడె శ్రుతిచోరుపైఁ గిన్క చూపి మీనాకార మింపారఁ దనివోవ నీదియాడె నమృతంబునెపమున నచలంబు లో వైచి తనయోపుకొలఁదులఁ ద్రచ్చియాడె

⁠

గీ.⁠

నెపుడు పాయ కున్నట్టివాఁ డిందు నిమ్ము, కుందుఁ డబ్ధీంద్రుపై నెంతకూర్మి గలదొ? యఖిలజగదీశ్వరున కింత యనుగలముగ, నేమితప మొనరించెనో యిప్పయోధి.

⁠ 5

చ.⁠

ఇది యొకఁ డేల యీజగము లిన్నియుఁ జెన్నునఁ గన్నతల్లి బ ల్లిదుఁ డగుశౌరిపేరురము లీలమెయిం దనయాటయిల్లుగా ముదము దలిర్ప నొప్పెసఁగుముద్దియ యీతనికూఁతు రట్టె యీ యుదధివరేణ్యుపుణ్యమున కొండొకఁ డెందును నీడు గల్గునే.

⁠ 6